أمر من السحر من سلسله حكايات جواز مروة حمدى ومنى عبد العزيز
المحتويات
يستنانى قدام باب المدرسة كل يوم وساعات كتير كان يفوت محاضرات بسببى
هو خريج ايه
تجارة ماهو شغال محاسب فى شركة كبيرة فى السعودية
هو ليه مش بياخدك معاه ناس كتير بتسافر مع اجوازتهم!
امه يا حبيبتى ربنا يقصفلى فى عمرها اشتغلت على ودانه
هتاخدها معاك مش هتعرف تمسك قرش هاتلى جبلى فسحنى ولا هتعرف تسد ديون سفرك ولا ديون البيت ال اشترناه ولا تساعد اخوك ولا تجهز اخواتك البنات ولو راحت معاك مش هتخليك تنزول وهتنسانا وهنقعد بالسنين منشفكش
يا ساتر دي ست صعب
بسخرية ههه ده على اساس انه مقطع السكة رايح جاى
فاطمة صحيح ليه مش بينزل على الاقل شهر فى السنه
شوشو خايف
فاطمة باستفهام خايف
هزت رأسها بتأكيد اه خايف يصرحوه ويجيبوا مكانه اصل الوضع هناك دلوقت مش زى زمان
فاطمة انا بسمع عن كروت الزيارة! ليا صحبتى جوزها بيبعتلها كارت من فترة للتانية ما يبعتلك
بمرارة بيبعت بس لأمه علشان تعمل عمرة يالا داعية عليها ما تتقبل منها ابدا
فاطمة طيب ما اتكلمتيش معاه ليه فى الموضوع ده!
شوشو هه كتير والرد واحد
عايز اكسب رضاها وعلشان تصفى ناحيتك وماتقولش انك مقويانى عليها
قربت منها تصدقى الولية من جبروتها شبه طردتنى من بيت العيلة وحتى مانعه عيالها عن زيارتى وزيارة اولاد اخوهم ال خيره مغرقهم
فاطمة طيب وما طلبتيش الطلاق ليه
فاطمة طلبته ومن اول سنه سافر فيها امه زغرطت من فرحتها وهو قالى بعد الحب ال بينا وبعد ما زعلت أمى واتسببت بقطيعة لبيت خالتى العمر كله عايزة تطلقى! وراح اشتكى لابويا منى
فاطمة وبباكى عمل
شوشو ال بلا أم حالة يغم
فاطمة يعنى ايه
شوشو أمى ميته وابويا متجوز من حربوقة قدى فى السن كانت معايا فى المدرسة اشتغلت زن على ودانه هى هتيجى بقرفها ماتعيش حد طايل عيشتها ده بيبعتلها شئ وشويات وانا عايزة اخد راحتى فى بيتى واعيش سنى مش ابقى قاعدة متكتفة سمعتهم فلميت نفسى واخدت شنطتى وزى شبشب الحمام رجعت على شقتى فى بيت العيلة بس ايه منعت عنهم اى زيارة يبعتها او حتى يجيب لابويا والعقربة ال معاه اى حاجه يطلبوها
فاطمة وحماتك عملت ايه معاكى وانتى راجعه
سبحان الله كانت واقفة على باب ولسه هتتلافانى من شعرى وقعت من طولى وفوقت على خبر انى حامل
فاطمة تلاقيها فرحت
هههههه اومال بدليل قالت تولد وتشوف شقة بره انا مش حمل زن عيال صغيرة وبكا ليل نهار انا عندى الضغط خلقه
فاطمه وعملتى ايه
شوشو زغرطت فى عبى وبقيت اعد الشهور وولدت وقبل ما اربعن كنت ناقله فى شقة فى حته حلوة نظيقة ايجارها غالى حرقت دمها ورقدتها فى السريراسبوع
فاطمة وجوزك جه يشوفه اكيد
شوشو اومال جه على طول وهو عنده تلات سنين
فاطمه ااايه صبر على شوفه ابنه ازاى
كنت ببعتله صوره ومكالمات الفيديو هى ال عايشين عليها جه قعد شهر حملت فى ابنى التانى ومشى واهو الواد تلات سنين والكبير سته وهو لسه مش نزل وشكله مش ناوى ينزل السنة دى كمان
فاطمه طب وبعدين انتى فعلا زى المتعلقة
شوشو ولا حاجه اهو عايشة اصل هروح فين بعيالى ابويا ال مقبلنيش انا وبطولى هيقبلنى بيهم ولا ارميهم لستهم ال مش طيقاهم وابوهم مش قاعدلهم ولا اطلق واقعد بيهم ومين هيصرف
فاطمة ربنا يكون فى عونك
شوشو النصيب اهى عيشة بس ماتقلقيش عليا انا بعرف اخد حقى كويس اوى
فاطمه فاطمه بفضول ازاي
شوشو يووه فضلت احكيلك عنى والوقت خدنا ونسينا الموضوع الاساسي قوليلي ليه كنتي بتعيطي ليه في الحمام
فاطمة بتحاول ترسم ابتسامه على وشها ابدا اصل كنت مخنوقة
شوشو بعتاب انتي لسه مش وثقة فيا ولا خايفة من جوزك المعقد يشوفك بتكلمي معايا على العموم احنا بنتكلم عادي اتنين زملاء في الشغل بزمتك عمرك شفتي عليا حاجه ليه وخده مني موقف
انا مش وخده موقف من اي حد بس انا اتعودت من يوم مشتغلت متكلمش مع حد وتقريبا معرفش نص الموظفين معانا هنا في البنك
شوشوأكيد دي اوامر القيادة العليا استاذ كمال
هزت راسها أيوا كمال صمم اتنقل من الفرع اللي كنت شغالة فيه معه واجي اشتغل في الفرع دا بيقول هادي وشغل خفيف ومفيش عملاء كتير بتجيه كملت كلامها بهمس بس مبارح بس عرفت السبب
شوشو ما سمعتش اخر كلامها وقالت اديكي قلتي هو فرع تاني يعني بعيد عنك معقولة نبقي في مكتب واحد وحتي سلام ربنا بنقوله بالعافيه
فاطمة بضيق ضغط الشغل ومواعيد الشغل انتي بتجي اخر وحده وبتمشي أول وحده
شيماء ماهو هاجي بدري ليه وانتي من اول ما تدخلي لحد ما معاد الانصراف عنيكي على الاوراق مبترفعهاش كل ما احاول اكلمك القيكي بتصديني اوقات ببقي مخنوقه وعايزة افضفض مع حد بدل ما اموت من الهم
بعد الشر عليكي انا اسفه بس كنتي لمحتلي
يلا اللي فات مات
فاطمة انا تحت امرك اي وقت تحبي تفضفضي وتكلمني انا موجوده وقت البريك نتكلم مع بعض
شوشو انا مليش اخوات وطول عمري بتمني يكون عندي اخت وانتي يا فاطمة الاخت اللي اتمنتها وعشان كدا فضفضت معاكي من غير ما اتكسف ولا اخاف كلامي يخرج للناس
فاطمة دي ثقة اعتز بيها يا شيماء وعلى قد ما كنت زعلانه على حالي قلبي وجعني عليكي
شوشو لا والنبي بلاش جو الصعبنيات دا اختك ابو جبل وخده على الهم دا من سنين سيبك مني وفضفضي خرجي وجعتك وصدقيني هتلاقيني بير واستحالة كلامك هيخرج برة
فاطمة سكت شوية وعقلها بيقولها عندها حق انتي مختاجه تكلمي وتخرجي القهر اللي جواكي امكن تشور عليكي بحاجه تخليكي تأخدى حقك من كمال وتوجهية بعمايله
شوشو قامت وقفت من عند مكتب فاطمة ولسه هتكلم سمعت فاطمة بتكلم
كمال يا شوشو كمال هو وجعتني وسبب الحالة اللي انا فيها
قعد شوشو بتسمع كلامها وقلت عملك اي
فاطمة بتكلم ودموعها نزله خمس سنين وانا مخدوعة فيه لاول مرة اخد بالي من حاجات كان بيعملها وعمري ما شكيت فيه ولا جه في بالي انه يعملها كمال كان في نظري مقدس طلباته اوامر لو اشتك يوم من صباعة ممكن منمش اسبوع من الوجع عشانه لو قالي ارمي نفسك البحر هرمي نفسي وانا مغمضة من ثقتي فيه لحد امبارح بس اكتشفت اني مخدوعة وان كمال بيخوني غير كدا طعني اكبر طعنه لما سمعته بنفسي بيتريق عليا في التليفون مع حد يعرفه غير معيرته ليا اني يتيمة وماليش أهل
شوشو
فاطمة مش صراحة
متابعة القراءة
