عروسة من السوق بقلم مروة حمدى ومنى عبدالعزيز

اخوها طلع قدامهم ودعاء شايله الباقى راحت نرجس قرصته فى ايده وهو واقف مبلم عينه عليها يا بنى اقفل بقك شكلك مفضوح اوى شيل بدالها بدل ما انت واقف صنم حسسها انك جنتل مان ده اختبار يا موكوس اختبار. 
بسرعه جرى عليها ناحيتها عنك يا انسه 
بكسوف بعدت وهزت برأسها وطلعت قدامهم جرى. 
امها اسم الله عليه. 
نرجس ودكتور كمان وعنده عيادة ومركز طبى وعربية. 
ام دعاء يا اهلا يا اهلا يا اهلا اتفضلوا نورتونا. 
دخلت من باب الشقة لقت الحج واقف فى استقبالهم بعد ما ابنه قاله فى ضيوف جايين. 
رحب بيهم ودخلوا الصالون 
وبعد التعارف والكلام 
الحج والدها طيب وانت ظروفك ايه 
ياسين ياعمى انا دكتور تجميل عندى ٣٥ سنه شغال فى مستشفى وعندى
عيادة ومركز طبى والحمدلله براعى ربنا فى شغلى وفى حياتى عندى شقه فى بيت اهلى وعلشان حضرتك تبقى عارف لو حصل نصيب ووافقتوا عليا فالمواقفة مش هتبقى عليا بس. 
والدها بعدم فهم يعنى ايه 
ياسين الموافقة عليا انا وامى وخالاتى وعماتى و ٩ بنات مالهمش غيرى وانا ماليش غيرهم وعلشان تبقى حضرتك مطمن انها هتكون فى الحفظ والصون كرامتها من كرامتى وانا عارف اهلى هيعاملوها ازاى ومتاكد منهم لأنهم زى ما بيحبونى هيحبوها وزى ما بيحترمونى هيحترموها و كل طلباتكم انشالله مجابه. 
فى الوقت ده جرس الباب رن والولد جرى يفتح دخل عليهم طوفان من الستات بيزغرطوا فرحانين وبيقولوا  
اوعوا تكونوا قريتم الفاتحه من غيرنا 
وقف الاب والام والبنت بيبصوا لبعض باستغراب. 
قربت ست من الواقفين من دعاء وفضلت تبوس فيها وتقولها. 
انا حبيتك من قبل ما اشوفك ياسين ابني كل مكنت ااقله يخطب يقول لسه ملقتش اللي تخطف قلبي ومدام هو هنا وبرغبته يبق انتي خطفتي قلبه. 
دعاء بتبص للارض بحرج ابوها اتنحنح وقال... احممم اتفضلوا يا جماعة اقعدوا نتعرف على حضرتكم . 
ام ياسين متأخذونيش ياجماعة من كتر فرحتي نسيت اسلم عليكم واعرفكم علينا انا ام ياسين ودول بناتي وبنات اخواتي اللي هما بنات عمام وعمات ولسه عماته وخلاته وباقي العيلة جاين ورانا. 
الاب شرفتونا والله يا ام ياسين. 
يشرف مقدارك ياحاج نقرواالفاتحه. 
ابو دعاء قال احممم مش واحده وحده علينا ياست ام ياسين نتعرف على بعض وتسألوا علينا ونسأل عليكم . 
نرجس وهي قاعدة مكنها بصت ناحيته وقالت خبر ايه ياحاج نعماني كل دا ومتعرفتش علينا. 
نعماني رفع عينه وقال الشكل مش غريب عليا من وقت ما دخلتي وانا بسأل نفسي شايف حضرتك فين. 
نرجس لا كده زعلتني اوي نسيت المرحوم مأمون صحبك الروح بالروح. 
نعماني بتنهيده وحزن الله يرحمه كان راجل بمعني الكلمة صاحب واخ عزيز. 
نرجس ولو قلتلك هو اللي مربي ياسين على ايده . 
بص الاب لنرجس اولا حضرتك تبقي اي للمرحوم مأمون. 
نرجس مع اني زعلت اوي انك معرفتنيش بس هقول الزمن اكيد غير فينا كتير وكمان متقبلناش من عشرين سنه لما حجينا اناوالمرحوم معاك ومع عوض والمرحومه مراته وكنا في عبارة واحدة. 
نعماني حاجه نرجس يااهلايا اهلا نورتينا. 
يبص لمراته ولبنته سلمي يا حاجه على الحاجة نرجس دى مرات الغالي ياما كلمتك عليهم. 
بعد السلام والاحضان قالت نرجس اي رايك ياحاج في طلبنا. 
مدام متربي على ايد المرحوم مأمون اكيد ونعم التربية بس اللي اعرفه ان المرحوم اتوفي ومعندهوش ولاد وكان وحيد ملوش اخوات. 
نرجس ياسين يبقي ابن اختي ياحاج نعماني وزي ابني بالظبط وبقلك والله ماهتلاقي عريس لبنتك زيه اخلاق وجمال ومتربي كويس. 
نعماني لو عليا انا موافق عليه لكن الكلمة الاولي والاخيرة للبشمهندسة دعاء. 
بص كل الموجودين لدعاء اللي بصه للارض قالت نرجس ليها اي رايك ياحبيبتي قولي متتكسفيش. 
هزت دعاءراسه بحرج ونطقت بصوت يدوب سمعوه وقالت موافقة. 
امها حضنتها وبركة ليها وراحت ناحية البلكونه وفضلت تزرغت هي والبنات وام ياسين ونرجس. 
طلعوا الجيران يسألوا في ايه. 
ردت عليهم ام دعاء عقبال عندكم ياحبايب دعاء بنقروا فاتحتها. 
سكتوا على رنت جرس الباب وفتح الحاج نعماني لقي بنات كتير دخلو البيت وبيزرغتوا هما كمان جريوا على ياسين وبركوا ليه وسلموا على دعاء وبركولها ووحده منهم قالت بسم الله ماشاء الله عروستك حلوة اوى يا ياسين لقتها فين دى. 
الكل ضحك وقال في السوق.