من العتمه للنور بقلمي سلسبيل أحمد
اديتك ميت قلم وربتك من اول وجديد لما ترجعي لها الساعه 12 بليل مع ابن عمك و برضو واحد تاني غير ابوكي كان مسخر بيكي الدنيا
حقكم
استغربت ردي.. وبصتلي بنص عين.. هي عارفه اني عنيده و في وقت تاني لو كنت سمعت كلام زي ده كنت هزعل و ادبدب واقول بيظلموني لكن بيني وبين ياسين اتفاق.. ومعاهده صلح وهدنه!
دي طريقه جديده عايزه تعدي بيها الى حصل
لا.. انا مستعده لأي عقاب
هتتعاقبي يا فريده بس مش دلوقتي عشان تبقي تسبيني كده معرفش انتي فين وخايفه
حاولت على قد ما اقدر اصالحها و نزلت عشان متأخرش حضرت الدرس انا وسارة وبعدها رجعت علطول..
صرصور متيجي تطلعي نذاكر سوا
ياه هتذاكري اخيرا ماشي هكلم ماما اقولها
طلعنا انا وهي نذاكر.. و الاسبوع مشي حلو
اوقات مذاكرتي زادت.. مستوايا بدأ يتحسن.. ياسين بيبعتلي مذاكرت كتير لكذا ماده.. وملخصات للمنهج وحتي امتحانات!
لحد ما جه معاد الحصة بتاعته.. سارة عدت علياا كالعادة ومشينا سوا ولما طلعنا السنتر قابلت جني وصحابها.. وقربوا ناحيتي
روحتي فين يوم الخروجه!
تعبت فا روحت
قعدنا نرن عليكي بعدها يابنتي
انا كنت مشغولة في المذاكره بس
سارة بصتلي مستر ياسين داخل
اميرة طيب يلا يا فريده تعالي اقعدي معانا
بصيت لساره بتفكير.. وهي اتنهدت بزهق وسابتني وراحت قعدت قدام.. و اميرة و جني مستنين امشي معاهم.
احم احم بتسبيني وتقعدي لوحدك
بصتلي وبصت وراها عليهم انتي سبتيهم
ايوه.. هقعد هنا قدام عشان اقدر اركز
ابتسمت شاطره
ابتسمت لها بحب و عشان ابقي جمبك يا صرصور
الحصه بدأت و ياسين لما دخل لقاني قاعده في اول صف.. لمحت ابتسامه جانبيه بيحاول يداريها!
فضلت مركزه طول الحصه.. و لكنه غدار و لما سرحت شوية قومني اجاوب.. بس انا خبيثة! و جاوبت سؤالة.. و شوفت نظره الفخر بتاعت زمان في عيونه..!
فريده.. استاذ ياسين طلبك في مكتبة
سارة بصتلي بعدم فهم هو ايه حكايته
ممكن تستنيني هخرج بسرعه
ماشي لما نشوف اخرتها
دخلت لها وانا الابتسامه على وشي
4050 ها
مش حلو أكيد عاوزك تقفلي
اصبر.. لسه
لا مفيش لسه الوقت بيجري وعندك مواد تانيه عملتي ايه فيهم
كله كويس اقل مادتين الكيميا و الفيزيا
الاحياء
كانت... 4650
تمام الوحده الى حضرتك جبتي فيها درجه زي الزفت فاكره دي لازم تتعاد لك تاني عشان مرتبطه بالي بعدها ومهمه هحاول اجي انهارده بدري اشرح لك حاجات لو معرفتش يبقي بكره الصبح قبل درس العربي بتاعك
ماشي.. شكرا يا ياسين
خرجت وسيبته و لقيت ساره واقفة حطه ايدها في وسطها فا ضحكت
يلا نتمشى
نزلنا وكنا في طريقنا للبيت و حكيت ليها كل حاجه.. و ان ياسين ابن عمي
انتي بجد بتهزري
لا خالص
ليه مخبيين!
صدقيني معرفش! هو الى طلب
بس يبختك كويس اني مقلتش ليكي اني معجبه بيه
فتحت عيني بدهشه وبصلتها نعم يختي
ايه ياحببتي ده كل الدفعه بتكراش عليه!
كلهم !!!!
عايشه في مياه البطيخ دي ولا ايه.. عموما انا بهزر معاكي.. انا بحب ابن خالتي الي ميعرفش اني عايشه مش ابن خالتي بس ميعرفش اني عايشه
مش بيعرف انك بتتنفسي حتي
ولا الهوا كل ما يشوف خلقتي يقولي انتي مين.. ودايما شايف نفسه علينا.. و شايفني.. لا هو مش شايفني أصلا
قعدت اضحك جامد ياعيني يابنتي! طب ما تحاولي تنكشيه
انكش مين ده حما ر ما علينا بقا
وصلنا عند بيتي فا سلمت عليها وطلعت
قعدت
معلش بقا عشان جيت متأخر يا مرات عمي
ولا يهمك يا حبيبي طالما الدرس مهم..
بصتلي بشك بس انتي فوتيه ازاي مش حضرتي كل الحصص
معرفتش ارد فا ياسين سبقني ده يوم لما كانت بتعوض حصه في الانجلش وجت متأخر ولأن الدرس مهم كله فا لازم تبقي عارفه كل حاجه فيه
رجعت بذاكرتي شوية كده واكتشفت انوه اه حصل.. بس مكنش نفس الدرس.. انا وقتها عوضت الى فاتني لنفسي من تسجيل ساره..
ماشي يحبيبي انا قاعده هنا لو عاوزين حاجه
بدأنا في الدرس و بعد شوية جه بابا فا قام سلم عليه وكملنا وعلى 10 ونص كان خلص.. ومشي..
دخلت يومها انام وجوايا شعور غريب.. هدوء و اطمئنان وحياتي بقت اهدي.. بقي عندي سلام نفسي رهيب و هدوء و غضبي قل.. زي ما طلب مني.. بدأنا ندخل في مرحله مراجعات نهائيه كان بيدعمني وبيساعدني كتير..
لحد ما بدأت اول امتحان العربي.. و التاني و التالت كل امتحان كان بيعدي عليا بيسحب جزء مني.. لكن بطريقة ما ياسين بيرجع الجزء ده عشان اقدر اكمل الى جي و قبل اخر امتحان بعتلي مسدج على الموبايل و ده نادر..
فتحتها وكان بيشجعني وبيقولي خلاص هانت و بيقولي إنه ملتزم بكلمته.. ابتسمت بسعادة غامرة و
الغرفة كانت لا تسع اجنحتي.. هو انا فعلا وقعت
معرفش كيف ينام المرء بكل السعاده دي في قلبه.. لكني حاولت عشان اصحي بكره فايقه و مركزه.. واخلص اخر ماده في شوال.
انا مش مصدقه خلاص خلصنا !!!
لازم نحتفل يا فريده
صح يابو الصراصير عايزه اشتري شمروح كده ولا
قاطعتني مش ده مستر ياسين!
بصيت
ساره فضلت تتنطط يلهوي ده جايلك !!!!
رفعت ايدي بتوتر بس اسكتي !! اكيد مش انا يلهوي!! انا ليا !
طب روحي !!
لا انا خايفه!
انتي هبله !! روحي يابت امشي اتحركي
اتشليت يا ساره اللحقيني
قعدت تضحك جامد وانا بتكلم بجد الحلوفه!!
لاقيته هو شافنا و كان بيقرب ناحيتنا
يلهوي ساره يلا نجري
فضلت مسكاني و لما قرب سابتني ومشيت!! ندله غداره صاحبه فيك !! مريفه
مبروك.. كده خلاص
بصتله وانا تقريبا الأكسجين رايح مني اممم
مد ايده بالورد
بصتله بتعجب نعم
أمسكي
اخدته منه وبصتله وانا متلخبطه
بصي بصراحه.. ملقتش حل ينقذك من الى انتي فيه ده غير اني اتجوزك وامري لله.. انا قولت لعمي و مرات عمي و هما وافقوا بابا و ماما في البيت عندكم مفروض هنروح نلبس الدبل بقا وكده.. ونعمل خطوبة شوية و بعدين نرتب موضوع الجواز سوا بس طنط ناديه شرطت عليا تعجنك الأول على موضوع انك خرجتي من وراها وبعد كده انتي بتاعتي وانا بصراحه مرضتش اسلمك و بحاول اسوي معاها الموضوع.. الورد حلو
بصتله وانا فاتحه بوقي و بصيت ورايا هو حضرتك بتكلمني انا
بصلي وابتسم هو فيه حد في حياتي مطلع عيني غيرك ولا فيه حد موقعني غيرك ولا تفتكري مثلا فيه حد في الدنيا دي ممكن اعمله كل الى عملته غيرك
هو انا ينفع
اقول اني بحبك!
هو مينفتش للأسف.. و لا حتي انا ينفع اقولك اني بحبك.. بس هنعمل ايه بقا يلا بينا عشان مستنين في البيت..
ضحكت جامد وبصتله ياسين..
ها
انت احسن مدرس فيزيا انا اخدت معاه
وانتي افضل طالبة درست لها يا فريده.
تمت
هستني رأيكم بكامل الشغف في الاسكريبت ده بالذات
صفحتي Slsbell Ahmed سلسبيل
من_العتمة_للنور
slsbell_ahmed_سلسبيل_أحمد
Salspil_A_Mahmoud
سلسبيل_أحمد بيلا
