تخاذل عاشق بقلم مروة حمدى ومنى عبدالعزيز

ومش بسرعة وهو بيقول أهدي يا أمير متتهورش هتعمل عقلك بعقله.
وصل المستشفى أول ما دخل الطوارئ 
اول ما شاف ال قدامه اتهز وعنيه كانت هتخرج من مكانها بصدمه تهتهه باسمه استاذ م حمد.
الممرضة مقاطعه حضرتك تعرفه يا دكتور.
امير بتماسك وملامح وش كان الالم واضح عليها وبعمليه تقارير الحالة فين.
الممرضة اتفضل الاشعه ال اتعملت بمجرد وصوله.
بسرعه اخدها منها وبصوت عالى على العمليات فورا.
عدى الوقت واول ما خرج وقبل ما يشيل الكمامه كانت هى واقفة قدامه وعينها الحلوة ال خطفت من عيونه النوم مليانه دموع هاين عليه ياخدها بين ايديه يطبطب عليها يمطمئنها وبين يفضل واقف قدامها يحفر ملامحها ال شيفاه من القرب ده لأول مرة.
مع صوت شهقاتها حاول ينظم ضربات قلبه ال عليت وحمحم بصوته بيحاول يخرجه واول كلمه خرجت منه كانت بنغمه دافئة حنونه ما تخافيش 
بصتله وبعيون كلها أمل وهو هز رأسه وكمل بابا هيبقى كويس قدرنا نسيطر على الوضع.
بلاش دموعك دى انتى مش عارفه بتعمل فيا ايه
بصتله باستغراب وهو بسرعه صحح قصدى تعمل فى بابا ايه عايزاه يزعل لما يفوق ويشوفك كده!
هزت رأسها بلا وبظهر ايدها مسحت دموعها زى الأطفال غصب عنه ابتسم وشال الكمامه من على وشه اتصدمت مامتها وهى رجعت خطوه لورا بشهقة بتشبه عليه و بتشاور بايدها وبتهمس فى ودن مامتها بصوت مسموع ليه لف الناحية التانيه يكتم ضحكته وهى بتقول يا ماما ده الراجل اياه بتاع الصيدلية.
مامتها بصتله باستغراب وهو بص ليهم وبابتسامه دكتور امير جاركم فى العمارة ال قدام الفيلا.
مامتها بصت لبنتها بعتاب مالت عليها يبقى انتى فهمتى غلط.
اتعدلت وكملت كلامها معاه أهلا بيك يادكتور طمنئى على محمد جوزى.
امير ماتقلقيش يا مدام الحمدلله قدرنا ننقذ الرجل بس هيحتاج فترة طويلة للعلاج.
مامتها ربنا يطمنك على حبايبك بعد اذنك يا دكتور نقدر نشوفه.
امير للاسف مش هينفع هو هيخرج على العناية وهيكون تحت الملاحظه لمده ٢٤ ساعه فالأفضل انكم تروحوا تستريحوا قعدتكم كده مالهاش لازمه فاتفضلوا معايا اوصلكم فى طريقى
مامتها ربنا يطمئنك يارب
امير اتفضلوا معايا
جنى لا انا مش هقدر اسيب بابا وامشى 
جز على اسنانه وقال لنفسه انا ماسك نفسى بالعافية تقومى تتكلمى الشكل مش خالص الصوت كمان 
بهدوء وهو مراعى الحالة ال هى فيها يا آنسه مش هينفع.
جنى ليه انا عايزة اكون جنب بابى.
امير أولا علشان الوقت اتأخر ثانيا ممنوع الوقوف قدام العناية ثالثا هو مش حاسس بيكى رابعا وقفتك نفسها غلط وتعب عليكى خامسا بقا وددى الأهم كده كده سكتكم فى طريقى.
جنى لمامتها مقدرش يا ماما مشفهوش. 
امير 
اوعدك يا آنسه انى اجبكم معايا الصبح بدرى وهتواصل مع دكتور العناية والتمريض ساعة يساعة يطمنوني. 
الام. ياريت تدني رقم تليفون حضرتك يا دكتور اتصل عليك من وقت للتاني. 
امير. أكيد طبعا اتفضلي الرقم. 
فتحت شنطتها وقالت. ثواني هطلع التليفون من الشنطة رفعت عنيها لجنا وقالت جنا تليفوني معاكي. 
جنا لاء حتى أنا نسيت تليفوني اول ما سمعت حضرتك بتقولي لتيته على حادثة بابا طلعت بسرعه وراكي من غير ما اشعر. 
أمير. حصل خير يبقي اتفضلوا معايا اوصلكم مينفعش تقعدوا هنا وسيبن تليفوناتكم وكمان تلاقوا اللي في البيت قلقنين. 
هزت رأسها لامها بمعنى لا.
امير فى سره دماغها ناشفة عالي صوته وقال الطريق واحد واحنا جيران وبصفتى دكتور بقولك وقفتك كده غلط ومش هتنفع لا هتقدري تشوفي ولدك والوقت اتاخر ومش معاكم تليفونات وبصراحة انا تعبان وعاوز اريح واكل لقمة قبل ما اروح عيادتي الخاصة ومش هقدر اسبكم لوحدكم وامشي. 
الام يلا يا جنا دكتور أمير عنده حق جدتك تلاقيها قلقانه وقاعدة على اعصابها.
مشي امر بعربيته ووصلهم البيت وهم في الطريق طلع كارت من جيبة. 
أمير الكارت دا في ارقامي تقدروا تتصلي بيا اي وقت وان شاء الله هطمنكم على استاذ محمد.
مرت الايام وامير كل يوم يوصل جنا ومامتها فى الروحه والرجعه مامتها تروح الصبح ترافق مع جوزها واخر النهار جنا ترافق مع ولدها وفي يوم يعدي على جنا في البيت واخدها وراحوا المستشفي وفى يوم وهما فى العربية فى طريق المستشفي وقف على جنب وهى استغربت بصتله وهو قال جنا انا طول عمرى رجل دوغرى ماليش فى اللف والدوران فى حاجه عايز اقولك عليها يمكن تعتبريها جرأة منى ويمكن تخافى بس ال هقوله ده حقيقى من قلبى انا يا جنى من وقت ما شفتك فى الصيدليه وانا ماشى وراكى مش حاسس بنفسى
بصتله بزهول وهو كمل قبل ما مفعول حبه الشجاعه المؤقته يروح ايوه ولو تعرفى ان اليوم ده انا اصلا منمتش وفضلت واقف فى الشباك وتانى يوم اول ما فتحتى الشباك كانك فتحتيه على قلبى وحتى وانتى بتجرى فى الشارع حسيت زى ما يكون قلبى هو ال بيجرى من صوت وقوة ضرباته.
جنا بتهتهه انت بتقول ايه
امير جنا انا مش عايزك تخافى ولا تقلقى منى انا حبيت اوضحلك حقيقة مشاعرى واعرف لو ليا مكان جواكى لو اه فباذن الله اول ما بباكى يخرج من المستشفى هزوركم فى البيت واتقدم رسمى فصارحنى بحقيقة مشاعرك انتى مرتبطه بحد ياريت تعرفيني انا محبتش اتقدم قبل ما اخد رايك من الخوف ليكون فى خد فى حياتك وانتى مرتبطه بيه علشان ما اوهمش نفسى واتعشم وفى الاخر كله ده يطلع فالاخر مفيش.
جنى بصت لتحت ولعبت فى صوابع ايديها مش قادرة تتكلم من كسوفها اما امير كان قاعد على نار فبستعجال قالها ها قولتى ايه.
جنى على نفس وضعها انا عايزة اروح المستشفى .
امير ردك وصلنى واسف لو كنت ضايقتك.
لبس النظارة وكمل سواقه لحد ما وقفوا قدام المستشفى وهى نازله
وصل قدام المستشفى والعربية وقفت وهى فى عالم تانى سرحانه بتكلم نفسها كل دى تنهيدات بدل ما يطمئنى ويحاول معايا مرة واتنين انى اثق فيه استسلم بسهولة بدل ما بيتنهد وبينفخ ياكدلى مشاعره ومايحسسنيش انى بالنسبه له شكل وخلاص.
رفعت عنيها على صوته وهو بيقولها اتفضلى وصلنا من بدرى.
بصت على باب المستشفي فتحت الباب ورجل بره ورجل جوه ومن غير ما تلتف له علي فكرة انت ما حبتنيش بدليل انك استسلمت بسهولة لأنك لو كنت فعلا حبتنى بدل ماتاخد الطريق كله ساكت مفيش غير تنهيد وتفف كنت تحاول توصلى مشاعرك تطمئنى من ناحيتك تخليني اثق فى كلامك بس حتى احساسك موصلنيش كان عرض وطلب انت اكتفيت فيه بسكوتى
واعتبرته رفض محاولتش تاكدلى حبك او تطلب منى افكر لكن بالشكل ده حتى لو كان جوايا تردد فأنا دلوقتى اتأكد أن إحنا مش هننفع لبعض.
جاى يتكلم وقفته باشارة من ايدها فات وقت الكلام.
نزلت من العربية واتحركت كم خطوة وقفت ورجعت تانى وبصتله من شباك العربية لو بتفكر علشان تثبتلى انك صادق فى مشاعرك انك تتقدم لبابا وتطلبنى منه وقتها يبقى انت محبتنبش انت بس حبيت الشكل لأنك لو حبتني كنت هتخلينى اثق فيك الاول وتوصلى مشاعرك واحس بيها لكن بوضعك ده لو حصل خطوبة مع أول مشكله هتتخلى عنى.
بصتله ومشيت وسابته وطول الطريق بتعاد جواها ال قالتله بقت تعاتب نفسها ايه ال انا قولته ده 
رجعت تانى وقالت لا ال قولته هو الصح ايوه انا صح انتى صح يا جنا.
فضلت على حالتها دى لحد ما وقفت وهى متفاجئة بال واقف قدامها رجعت خطوة لورا بشهقه حطت ايدها على صدرها بخضه انت جيت امتى 
امير مقاطعها بصى يا بنت الناس علشان منحرقش بنزين كتير وانا ورايا عمليات كتير بما فيهم والدك وانا لازم دماغى تكون صافيه علشان دى أرواح ناس ف ايديا فمن الاخر كده انا هسيبك تفكرى ورقم تليفونى مع والدتك تبعتيلى رسالة واتس أو اس ام اس بأن ده رقمك نتواصل منه ونتكلم كأننا صحاب نتعرف على بعض نكون صرحه مع بعض نتكلم عن حياتنا هواياتنا نشارك. يومنا مواصفتنا فى الشريك ال حابين نرتبط بيه وزى ماقولت يوم ما نحس ان مشاعرنا اتحركت لحاجه أقوى هتقدم لباباك وده هيتم من غير ما نتقابل هيكون رسايل مش صوت مش هنتقابل نهائى وبالنسبة للتوصيلة فأنا هتفق مع سواق ثقه يوديكم ويجبكم ها ديل?
جنى وهى باصه فى الأرض ديل.
عدى اسبوع على الاحداث دى
كانوا فيه على تواصل بيحكوا كل حاجه لبعض وهى كل يوم بالليل بعد الكل ما ينام تدخل اوضه جدتها تتسحب تفتح الشباك تبتسم اول ما تشوفه واقف قفلته بشويش وخرجت بسرعه دخلت اوضتها 
وقفت ورا الباب قرت اخر رسالة بيقولها تعب اليوم كله راح اول ما لمحت طيفك.
جنى تبعتله قصدك ايه
امير فى يمامه شقيه بتفتح شباكها بشويش تبص على عصفور غلبان في العمارة اللي قدمها واقف طول اليوم عطشان وهي قررت تعطف عليه و تروى عطشه بنظره 
قفلت قوام مش عارفة ان بنظرتها دى بتحيه لتانى يوم.
حطت ايدها على وشها ال حمر وقلبها ال فضل يدق بسرعه ايه ده ايه كلامه ده وازاى عرف انى بفتح الشباك اسبوع واحد وخلانى بستنى رسايله ببقى ملهوفه علشان اعرف كاتب ايه
أسبوع واحد وجننى خايفه بعد كده انا أضعف واعترفله معقول يكون ال انا فيه ده أن هو صادق بحبه وكل يوم بياكدلى ده بس ال انا حساه انه عمل ده كله علشان انى أنا ال احبه وفى المده الصغيرة دى هو نجح فى ده بس لا انا لازم احكم عقلى يمكن ده كله وهم ولازم اتأكد من مشاعرى علشان ميكونش مجرد إعجاب من اهتمامه بيا وال انا حظرته منه فى الاول هو ال حصل معايا لازم ادى لنفسى فرصة اتأكد من مشاعرى وفى نفس الوقت هو يتأكد من مشاعره.
تانى يوم الصبح زى عاداتها طالعه كل يوم تجرى تليفونها اتهز فى جيبها وقفت بشويش وقرات رسالته بصدمه.
انا مش معترض على جريك انا بس عايزك اول ما تروحى تبصى لنفسك فى المراية لو انا كرجل جريت بالمنظر ده انتى كست هتقولى عليا ايه
بضيق وعصبية بصت حواليها ملقتش حد رفعت عنيها لفوق لقت شباك اوضته مقفول.
رجعت بسرعه للبيت ووقفت قدام المرايا انا مش شايفه اى حاجه غريبة هو قصده ايه
دخلت عليها جدتها غريبة يا جنى خلصتى جريك بدرى
جنى تيته هو انا فيا حاجه غريبة لبسى فيه حاجة
جدتها بصراحه ده مش لبس يا جنى ده مش لبس بنت محجبه اصلا ازاى تكونى حاطه حجاب على راسك وجسمك كله متفصل بالشكل ده
جنى ده ترينج سوت يا تيته.
جدتها ال اعرفه انه مش مناسب وميصحش ايا كان اسمه ايه عايزة تجرى أجرى بس ما تخليش جسمك مكشوف قدام ال يسوى وميسواش ده غير اصلا ايه لزمته انك تجرى فى الشارع والجنينه كبيرة تقدرى تجرى فيها براحتك وتوفرى على نفسك كلمه بايخه من ده او نظرة مش مظبوطه من ده
جنى بس محدش اعترض منكم هنا قبل كده
جدتها مين قالك انا من وقت ما سكنت معاكم وانا بلمح لحد ما فى يوم قلتها بصريح العبارة وقتها اهلك ردوا وقالواهى لسه صغيرة جاياها أيامها بلاش نضيق عليها من دلوقت.
بس انتى ايه ال خلاكى فتحتى الموضوع ده دلوقت
جنى بلجلجه اصل اصل
جدتها اممم الأصل ده اسمه الدكتور امير!
جنى بصتلها بزهول ومنطقتش
جدتها بضحكه خفيفة انا عارفة من زمان سمير بواب عماراتهم رجل ما بيتبلش فى بقه فولة من كم يوم كنت معدية ولقيته بيقولى ان الدكتور عينه منك ولما سألته انت عرفت ازاى الرجل مخباش وحكالى الموضوع من اول ما سكنا هنا.
جنى ايه الرجل الغريب ده وبيتكلم فى الموضوع كده ازاى وحضرتك سيبتيه يتكلم بالطريقه دى
جدتها ال فتح الموضوع انه جاى يسأل ويطمئن ليه الدكتور بطل يوصلكم بالعربية 
جنى وهى حاطه ايدها على بقها بزهول ايه الرجل ده حتى دى عرفها.
جدتها بضحكه اصل هو بيسالنى انك لو كنتى رفضتى الدكتور امير ومفيش نصيب معاه ففى مهندس فى العمارة ال جنبهم سأله عليكى واذا كام كده يجى يتقدم 
جنى لا مش معقول البنى آدم ده لازم يقف عند حده .
جدتها ما تتصرفيش من دماغك استنى لما بباكى يقوم بالسلامه وهو ليه صرفه معاه بعدين الرجل مقالش حاجه وحشة وعلى كلامه انه بيوفق راسين فى الحلال وانه السبب فى جواز نص بنات وشباب الشارع.
جنى بشهقة نعم مبقاش الا ده ال يجوزنى كمان.
جدتها بحكمه ماهو لازم يعمل ويقول كده طول ما فى ناس بتديله الفرصة دى انه يسأل على ده وده ويدخلوا فى تفاصيل مالهوش انه يدخل فيها.
جنى وانا بقا مش هسمحله يجيب فى سيرتى مع أى حد تانى.
جدتها ناوية على ايه
جنى حضرتك قولتى استنى لما بابا يخف وانا هستنى لما بابا يخف.
جدتها عين العقل.
سمير البواب واقف قدام العمارة وام امير نازله من التاكسي ومعها أكياس قرب منها وشال عنها وقال مبروك يا ست هانم خطوبة الدكتور أمير مع اني زعلان من الدكتور امير بيعدي عليا كل يوم وبيوصل ست جنا كل يوم واستخسر فيا الحلاوة مع اني حد غيري كان عطل عليه وكل يوم والتاني ناس بتجيلي وتدين فوق المتين جنية وبيسألوا على ست جنا وانا بقولهم مخطوبة. 
ام أمير بعصبية أنت بتقول اي يا راجل أنت امير مين وخطب مين وجنا مين وناس مين اللي عمال تقول عليها. 
سمير الله الله يا ست هانم حتى انتي عاوزة تاكلي عليا الحلاوة. 
ام امير سمير انا ضغطي عالي اخلص وفهمني الكلام اللي بتقوله انا على اعصابي. 
سمير شكل حضرتك متعرفيش ان سي الدكتور أمير من فترة شاف بنت اصحاب الفيلا اللي قدمنا هناك دي وكل يوم يقف يراقبها طول الليل وايام يرجع من الشغل يقف في الشباك عينه على الفيلا ومرة سالني عنها وبعدين بقى يقبلها هي وامها وكل يوم ياخدهم الصبح ويرجعهم بليل واوقات هي لوحدها فانا قولت في عقل بالي انهم اتخطبوا. 
ام أمير نفسها عالي حطت ايدها على راسها وقالت سمير اول ما تشوف البنت دي مع الدكتور امير رن عليا في نفس الثانية. 
سمير تحت أمرك يا ست هانم . 
عدى كم اسبوع. 
وجنا هى وامير علاقتهم بتتطور وبيقربوا من بعض كل يوم اكتر من ال قبله وال زود حبها فى قلب امير انها سمعت منه وبطلت جرى فى الشارع واخدت لبالها من لبسها.
عدي اسبوع وام امير على اعصابها وكل يوم تسأل سمير يقولها. لسه يا ست هانم كل يوم بتروح في تاكسي وترجع في تاكسي وامها وابوها مش ظاهرين شكلهم مسافرين. 
ام امير دول باين عليهم ناس لا مؤخذة سايبين بنتهم دايرة على حل شعرها. 
اسمع يا سمير ليك خمسمية جنيه بس تعمل اللي هقولك عليه واياك فاهم اياك أمير يعرف اني انا اللي قولتلك الكلام دا.
سمير بفرحة خمسويت جنيه