مى ومصايبها بقلم مروة حمدى
اسكريبت حصرى
مى ومصايبها
بقلم مروة حمدى
وايه هى الراحة غير بيت وقت العصريه رايق وهادئ الأب نايم بيرتاح من تعب النهار بعد ما اتغدا وسط أولاده ال سلموا عليه وراحوا على درسهم بسرعه والأم فى المطبخ بتروق مملكتها و بتدلع نفسها بكوباية شاى بعود نعناع أخضر وتستجم شويه فى الهدوء ال حواليها تفصل حبه زى صاحبتنا مى ما هى نايمه كده على سريرها والكوباية فى ايدها وسانده ظهرها لوراء ربنا يهديكى يا مى وتفضلي كده على طول عاقلة.
لحظه ثوانى هى مالها بتبص كده على جوزها وهو نايم مش معقول هتتعرف على ملامحه بعد ١٢ سنه جواز لا البصه دى انا عارفاها كويس استر يارب وما يكونش ال فى بالى.
اخ دى بتتسحب بتليفونه وخرجت بره الأوضة وبعدين يامى ياترى ناوية على ايه
مى فى الصالة وماسكه التليفون فرصة على نايم لما ادخل اشيك على التليفون والف لفه فيه على السريع كده!
_بس كده غلط يا مى.
مى بسم الله مين مين ال بيتكلم
_بقا مش عارفانى وانا ال شاهده على بلاويكى.
_بس انا مبعملش بلاوي.
_ازاى بقا وال فى ايدك ده ايه
_ده تليفون جوزى.
_وبيعمل فى ايدك ايه
_ابدا هشيك عليه فيها حاجه دى!
_كده غلط يامى..
_لا مش غلط اومال هعرف اذا كان بيخونى ازاى!
_وقتها رينا هيفضحه قدامك من غير ما تلفى وتدورى وبعدين المفروض يكون عندك ثقة فى نفسك وفى جوزك اكتر من كده.
_انا واثقة فيه بس مش فى ال حواليه ممكن وحده كده ولا كده توقعه فاكشف الموضوع من أوله احسن.
_
_لا على مش هيعمل كده.
_طب يبقى لازمته ايه نمسك حاجته ونعمل مشاكل!
_لا ده بصه فى السريع اشيك عليه هطمئن وارجعه مكانه من غير اى مشكلة بعيد الشر..
_انتى فاكرة اخر مرة من شهرين لما شيكت عليه حصل ايه
_ها لا مش فاكرة.
_افكرك انا ما انا بقولك شاهدة على بلاويكى.
يومها كان على راجع من الشغل تعبان اتغدا ونام على طول والتليفون جاتله رسالة..
وقتها انتى مسكتيه وقرتيها ومن غير ما تركزي روحتى زى القضاء تصحيه من النوم تقوليله..
مى قوم يا بيه قوم شوف السنيورة ليلى ال مش قادرة تنساك ومسهراها الاشواق.
الراجل صحى مخضوض من نومه ولما خد التليفون وجمع ال تقصديه فهمك بطلوع الروح أنها قاصده اخوه وواخداه واسطه علشان مراته ما تعرفش وتعملها مشكلة.
ال انتى اتسببتى فيها بعد كده تانى يوم..
مى اللاه ما هى ال بعتت تأنى بعد ما كلمها قدامى وقالها انسى الموضوع ده وشليه من دماغك بت لاصقة!
طب وال حصل بعدها باسبوعين افتكرتى..
مى لا مش فاكرة.
_انا عارفة فقدان الذاكرة ال بيجيلك ده لما تكونى غلطانه بس ما تقلقيش وراكى وراكى..
مى هو انا اصلا شيفاكى!
_بس سمعاني ماتنكريش على العموم يومها الغلبان كان نايم بيريح جسمه كعادته فى الوقت ده وانتى يدوب داخله الاوضه وصوت رنه تليفون اشتغلت...
مى ايه الرنه
_وفضلتى تدورى على المكان ال جاى منه الصوت لحد ما وقفتى قدام هدوم على المتعلقه..
مى الصوت جاى من البنطلون.
_دخلتي ايدك فيه وفتشتى..
مى ايه ده ايه التليفون الغريب ده
الرنة خلصت وزى الحرامية اتسحبتى وطلعتى بيه فى الصالة زى ما عملتى دلوقت وعلى من تعبه محسش بيكى ...
مى ايه حكاية التليفون ده! معقول على يكون شاريه جديد طب امتى ما قاليش وبعدين تليفونه القديم حطه جنبه على الكمدينو زى العادة والتليفون ده شكله مستعمل طب لما افتحه كده اشوف ايه جواه يمكن ميكنش بتاعه ..
حضرتك حاولتى تفتحيه بس كان مقفول بكلمة مرور ولأجل الحظ التليفون رن مرة تانية فى ايدك ها افتكرتى افتكرتى عملتى ايه وقتها..
مى اللاه my love وده ايه ده كمان لما افتح اشوف مين اللفلف ده!
من الطرف الاخر الو ايوه يا على انت فين برن عليك من بدرى كده تقلقنى عليك ايه ال اخرك كله ده!
مى على! برن عليك! تقلقنى! أخرك! انت مين وتعرفي على من فين يا ست انتى
من الطرف الاخر الو مين معايا انتى ال مين وتليفون جوزى بيعمل معاكى ايه
مى جوزك! جوزك ده ايه يا عنيا ده تليفون جوزى وابو عيالى يا حبيبتى .
من الطرف الاخر انتى بتقولى ايه بقولك ده تليفون على جوزى .
مى الشويتين دول انا عارفاهم وحده بايره بتلقح جتتها على اى واحد يعجبها وترمى كلمتين لمراته هب الخناقة تشعلل ويتطلقوا وتتجوزيه بس على مين انا صاحيه كويس اوى للاشكال ال زيك دى!
من الطرف الاخر
وقتها رديتي حضرتك وانتى بتلطمى...
مى يا نصيبتى اتجوز عليا ابن فوقية وانا اقول بتاع ايه التليفون ده اتاريه للبيت التانى مخصوص اقسم بالله لجرجره فى محاكم الأسرة وانطف ريشه وما اخلى حيلته حاجه يصرف بيها عليكى يا خطافة الرجالة.
من الطرف الآخر وهو انا هستنى على ذمته يوم واحد الغشاش ده انا هخلى اهلى يشوفوا تصرفهم معاه.
وقتها صحى الغلبان مش عارف ال مستنيه ايه..
علي وهو بيحاول يفوق ايه الدوشة دى يا مى
مى اهلا بالبيه ال اول ما القرش جرى فى ايده بدل ما يكأفانى على صبرى معاه طول سنين جوزانا ويدلعنى انا وعياله راح جابلي دره.
على وهو مش فاهم حاجه دره مين يا بت المجانين وهو ال يتجوز مرة يفكر يتنيها تانى انتى توبتينى عن الصنف كله..
ركز وقتها معاكى وعينه بحلقت وقالك ايه ال فى ايدك ده يا مى ده كان فى جيبى! انتى بتفتشينى وانا نايم!
مى اه خدوهم بالصوت ليغلبوكم تفتيش ايه ده ربنا حب يكشفك قدامى وقدام التانية ال شكلها متعرفش انك متجوز وعندك تلات عيال اكبرهم فى اولى اعدادى رصيدك من الستر خلص خلاص.
من الطرف الاخر ال سامعه كل كلمه من مى ومش مميزة الصوت التانى علشان بعيد عنها تلات عيال!!
مى الله اكبرهم عليهم اللهم بارك.
على جرى عليكى وقتها وخد التليفون من ايدك بسرعه ده انتى ال رصيدك من الدنيا دى هيخلص على ايدى بتكلمى مين من تليفون الراجل يا بلوة وجت على دماغى الو مين معايا
من
على انا على.
من الطرف التانى
