مى ومصايبها بقلم مروة حمدى 

على جوزى ! 
علي جوزك مين بس انت التانية 
من الطرف الاخر اسمك على وده رقمه وانت رديت يبقى انت هو. 
على يادى النيلةيا مدام ده تليفون على محمد. 
من الطرف الاخر جوزى. 
على وانا على محمد .. 
مى افتح السماعه اسمع بتتفق معاك على ايه لاصرخ والم عليك الناس. 
على وهو بيبفتح السماعه اصبري بس اخلص من النصيبة ال هتحل على دماغ الراجل من تحت راسك وليكى روقه.. 
_يا مدام انا على محمد زميله فى الشغل اكيد قايلك على زميله ال اسمه زى اسمه زى ما انا قايل للهبلة ال جنبى وعاملة نفسها ناسيه.. 
مى ما هو ممكن يكون تمويه وقايلى كده علشان لو حصلت حاجه زى كده واتكشفت تتطلع بالحجه دى 
علي يا زكيه عصرك بقولك على محمد زميلى ال حضرنا فرحه يا زهايمر.. 
من الطرف الآخر ومى فى نفس التوقيت ولما انت زميله تليفونه بيعمل معاك ايه 
علي الصبر من عندك يا مدام جوزك كان حاطط التليفون على الشاحن وجات معاينه ينزلها فسابه وخرج وأمنى عليه ولما جه وقت الانصراف ومش رجع خفت اسيبه فى الدرج جبته معايا وقولت اديهوله تانى يوم فى الشغل.. 
مى يا سلام هبل احنا! وبعدين انت رجعت من تلات ساعات وهو لسه مش رجع.. 
من الطرف الاخر اه صح.. 
على معاينه يعنى وراه لفه على كم عداد غاز طبيعى يتاخر وبعدين ثوان والصوت ده صوت جوزك! 
من الطرف الاخر برنامج تغيير اصوات. 
علي اه ده طلع على كده الصنف كله لاسع يا مدام ركزى فى كلامى الله لا يسئك انتى جوزك اسمه ايه 
من الطرف الاخر على محمد على .. 
علي وهو بيجز على سنانه وانتى يا بت المجانين انا اسمى ايه 
وقتها رديتي وانتى عاملة زى الفار المبلول على محمد محمد. 
علي يبقى ازاى فهمونى ايه زورت فى أوراق رسميه يعنى 
وقتها الست ماكنتش برضه مصدقه ما خلاص الشك دخل قلبها لولا ستر ربنا والراجل دخل فى وقت ماهى بتكلمكم. 
من الطرف الاخر بعد ما شافت ال داخل ينادى عليها. 
مريم مريم. 
عنيها وسعت وبصت للتليفون لحظات بعدها ابتسمت.. 
_الحمدلله جوزى رجع جوزك صادق يا مدام. 
وقتها على مسكك من هدومك زى حرامى الغسيل وانتى بتحاولى تهربى ورد عليها وقال من فضلك أدى التليفون لجوزك عايزه. 
على من الطرف الآخر لمراته مين 
مريم بابتسامه مهزوزة زميلك 
_ألوو. 
على ايوه يا ابو على تليفونك معايا.. 
على تسلم يا كبير تعبتك معايا 
على ولا يهمك بس احب اقولك يعينك على ما بلاك ما طلعتش لوحدى المبلى.. 
على مش فاهم! قصدك ايه 
تبقى المدام تفهمك سلام. 
ها فاكرة وقتها لما علقك على الحيط بعد ما قفل فاكرة قالك ايه 
على ايه يا شيخه اقول تكبر تعقل بس انتى ابدا بتبهرينى بكل نصيبه ونصيبه بس المرة دى كنتى هتخربى بيت الراجل ال مالهوش شهرين. 
مى لا بقا المرة دى الغلط عندك انتى مش انا. 
علي يا سلام. 
مى اه حط نفسك مكانى تليفون غريب فى جيب جوزى وبيرن رقم عليه باسم my love وانا مسجلنى بمحمد.. 
علي يا وليه كم مرة اقولك ابعدى عن تليفونى كده غلط احترمى خصوصياتي بدل ما ازهقك فى عيشتك وانا فى الرايحه والجاية ماسك تليفونك فى ايدى بدل ما اخليكى ما تعرفى تتكلمى مع امك ولا تنمى مع اخواتك فى شات الواتس بتاعكم المهبب ده وبعدين تليفون غريب اسأل جوزى عليه الاول استنى يمكن هو يقولى مش من دماغك عملتى فيلم وصدقتيه والهبلة التانية صدقته. 
مى ما هى كانت كل الادلة ضدك. 
علي ليه هو انا كنت قاتل قتييل ومش عارف! وبعدين لسه بتقاوحى ايه ما حرمتيش من المرة ال فاتت ده كان بيت اخويا هيخرب بسببك. 
مى الاه ما هى ليلى بنت عمتك قليلة الرباية بعتالك تقولك أنها لسه بتحبه حتى بعد ما اتجوز وعندها امل لسه.. 
علي اه وتقومى زى الشاطرة تاخدى تليفونى وانا نايم تنزلي. تخبطى علي مراته وتقوليلها الحقى ال بتلوف على جوزك وادى الدليل اهو. 
مى جزاتى انى كنت عايزة اوعيها وتاخد حذرها منها! 
علي وقتها كان هيخبط راسه فى الحيط ده الولية لمت هدومها وكانت هتمشى وراسها والف سيف ان هو ال معشمها لولا ما قرأت الرسائل واتاكدت انه مالوش دعوة يعنى تليفونى واسرارى روحتى حطتيها فى ايدها ومش بس كده لا اخويا قطع عمته علشان يحافظ على بيته. 
مى يعنى انت سكت ما انت روحت اشتكتنى لابويا. 
علي وغلطك منكرش هو وامك واخوكى وقالولك غلط يا مى كده غلط يا مى وما تعمليش كده تانى زى العيال الصغيرة بالظبط والهانم عملت ايه اهو دلوقت نصيبه انقح من الاولانية. 
مى توبه النوبة اخر مرة. 
علي يا مى عمايلك دى غلط غلط يا مى.. 
مى حرررمت. 
ها افتكرتى لما خلاكى متعلقة لحد ما جابلك اخوكى ال نزلك وغلطك هو كمان! 
مى ايوه خلاص افتكرت افتكرت. 
طب ودلوقتي زى الشاطرة هتعملى ايه 
مى _هدخل على الفيس اعمل لنفسى لايك وكومنت انت عمرى من عنده على البوست واطلع وبالمرة يعنى ما يضرش لو بصيت على الرسايل تخاطيف. 
_لا بقى انا تعبت معاكى انتى حلال فيكى ال هيعمله 
مى قصدك ايه 
على ماسكه تليفونى فى ايدك ليه يا اخره صبرى! 
مى هههه بظبطلك المنبه يا حبيبى. 
علي بقا كده طب تعالى بقا. 
مى بجرى اهدئ يا على الشماعه تطول.. 
علي ياشيخه ارحمينى تعبتى اهلى وانا بقولك غلط يا مى يا مى كده غلط. 
مى تووووووبه. 
علي موت ياحماااار. 
هههههه بصراحه مش هكدب عليكم انا شفته وهو بيتسحب وراها وماسك الشماعه كان عندى امل ترجعه وتعقل شويه وتعرف ان لو جوزها بيعمل حاجه غلط وقتها ربنا هيفضحه قدامها من غير تجسس ولا مراقبة لان فى الحالة دى هى ال غلطانه بس هنقول ايه دى مى وربنا يهديها لحسن خلاص تعبنا منها ومن قوله كده غلط يا مى قولولها انتوا يمكن تسمع منكم. 
تمت.