اسكريبت بقلم سمية عبد السلام
اي ده انا طلبت قهوة مش ايس كريم
لأ ما انا اللي طلبت لك الآيس كريم
كنت قاعدة في الكافيه و فاتحة اللاب بشتغل عليه وفجأة لقيت الشخص ده سحب الكرسي و قعد قصادي اتعصبت من رده البارد و كمان شاور لنادل يمشي.
انت مين سمح لك تقعد اصلا
يعني يرضيك افضل واقف وانا عندي الغضروف
يكش تتكسح انا مالي بردو.
دمك شربات والله يلا كملي انا مش هعطلك كأني مش موجود
لأ ما انت مش هتبقى موجود فعلا لو ما مشتش من هنا
بتتعصبي كتير انت خدي بالك
طب مش واخد بالك انت
و فيها اي
كنت هضحك بس رجعت كشرت و اتنهد هو وبعدين قال
انا مش عايز اضايقك كل اللي في الموضوع اني جيت اخد القهوة بتاعتي لقيت المكان مش فاضي كنت همشي و بعدين شفتك قاعدة لوحدك يعني حضرتك ممكن تكملي اللي بتعمليه وانا هشرب القهوة و امشي على طول
طب و بالنسبة الآيس كريم اللي انت جايبه ده
لأ ما هو انا لما شفتك شفتك و انت دمك محروق ومتعصبة قلت اجيب حاجة تروقي بيها دمك
بس بس اي الرغي ده اشرب القهوة و انت ساكت
رجعت اكمل كتابة على اللاب بس نسيت ان المشكلة ما اتحلتش
انا شايف انك كل ما ترشقي عينك في البتاع ده تتعصبي
انت مش قلت هتشرب القهوة و تمشي اطفح و انت ساكت بقا
اهدي طيب مش طبيعي العصبية اللي انت فيها دي
لأ هو اللي مش طبيعي هو تدخلك كل شوية
حسيت اني احرجته بكلامي خدت نفس وقلت
ماتزعلش يا استاذ..
زين
ماتزعلش يا استاذ زين..
بشمهندس زين لو سمحت
ما خلاص يازفت
فتح عينيه و انا اتحرجت من طولة لساني اللي مودياني في داهية وقلت
مش قصدي اصل انا برج التور وهو برج كده كلامه قليل الزوق و دبش
برج التور اممم لأ هو في الحقيقة انت اللي تور مش البرج
اي!
كريم شانتيه
سكت و مردتش عليه بني ادم مستفز و غبي بس قمر انا عارفة اتحدف عليا من انهي داهية و بعدين كمل بس كان بيتكلم جد
قوليلي اي المشكلة يمكن اقدر اساعدك
اتنهدت شوية وقلت عادي يمكن يقدر فعلا يساعدني رغم غلاسته دي
المفروض اني كاتبة وكده وهنزل بكتابي الأول المعرض السنادي و المطلوب مني اخلصه على الوورد قبل ما ابعته لدار النشر بس المشكلة اني مش عارفة اختار أسامي الأبطال في اسماء كتير محتارة بينهم
فعلا دي مشكلة
لو هتتريق قوم امشي
لأ خلاص مش هتريق طب ممكن تحكيلي عن قصة الكتاب ده
بنت عادية عايشة مع جدتها حياة روتينية لا تطاق لحد ما يدخل البطل حياتها و يغير مسار حياتها كله بغموضه و مغامراته اللي بيعملها و لاسف لسبب ما البطلة مضطرة تكمل معاه المغامرات دي و بعدين بتفهم ان الحياة ملهاش لازمة لو مخطرناش و جربنا كل حاجة جديدة و ان المغامرة الحقيقية بتبدأ لما نتخلص من حاجز الخوف اللي جوانا ومانع اننا نجرب اي حاجة جديدة
اسمك اي
استغربت و قلت
ملك
خلاص حلينا المشكلة البطلة يكون اسمها ملك
لأ بس انا مافكرتش استخدم اسمي قبل كده في رواياتي الإلكتروني ماكنتش حابة ده
المفروض انك كاتبة ولازم تعيشي تفاصيل الشخصية عشان تعرفي توصفيها صح
ماشي كده حلينا نص المشكلة و اختارنا اسم البطلة طب اسم البطل هيكون اي
زين
زين ده اللي هو انت صح
شاور براسه بمعنى ايوة وهو مبتسم
و انا اي يخليني اسمي البطل على أسمك
ابتسم بعد ما اخد اخر بوق في الفنجان و قال
عشان ملك مش هيليق معاها اسم حد تاني غير زين
مش عارفة ليه حسيت انه
بالعكس اسم ملك اي اسم تاني ممكن يليق عليه زي آدم مثلا
تؤ تؤ زين احلى حتى هي كمان عاجبها الإسم اوي بس بتجادل
اتوترت و بلعت ريقي و قلت بجمود
مين دي
وقف وقال
ملك
اتعصبت وكنت لسه هفتح بوقي عشان اثبت له انه غلط كان سبقني هو وقال
أهدي انا قصدي ملك بطلة الرواية سلام
همست وانا شيفاه بيبعد
سلام
ها قررتي هتسمي الأبطال اي يا ملك
هسميهم ملك و زين
ابتسمت سارة صحبتي وقالت
تعرفي ان الاسمين لايقين مع بعض اوي بس ثانية واحدة انت مش قلتي انك مش حابة تستخدمي اسمك في الرواية
ابتسمت و انا برد عليها رد زين
عشان انا كاتبة ولازم اعيش تفاصيل الشخصية عشان اعرف اوصفها و لما استخدم اسمي هحس بيها اكتر خصوصا ان الرواية تصنفيها واقعي
كنت واقفة في المعروض والناس حوليا كلهم عايزين توقيعي على الكتاب ماكنتش متخيلة كم النجاح اللي انا شيفاه ده كنت مبسوطة بس مش عارفة كنت حاسة في حاجة ناقصة حاجة زي ما يكون...زين!
شفته كان واقف بعيد شوية
بت يا
