اسكريبت بقلم سمية عبد السلام

ملك في واحد موز ماسك كتابك و جاي نحيتنا شكله عايز توقيعك
خبطت سارة و قلتها تتلم وبعدين سمعته بيقول
مش قلت لك اسم زين احلى
على فكرة الاسم مش عاجبني يمكن دي واحدة من عيوب الرواية
سارة بصت لي برفعة حاجب و انا بصت لها بأستعطاف انها ما تتكلمش بس الغبي غبي
مش عاجبك اي ده انت خيلتينا في البيت كل شوية زين و ملك
اتحرجت وبصلته بطرف عيني لقيته ماسك الضحكة بالعافية حاولت اداري على ده بعصبيتي و انا بقوله
انت اي اللي جابك اصلا
الله يعني محضرش حفل توقيع كتاب اسم البطل على اسمي
هنا سارة فهمت ان ده زين اللي حكت لها عنها لأنها كانت شاكة من تغيير تفكيري في اني احط اسمي في الرواية
طب استأذن انا يا جماعة الحق اشوف كتاب كيف تغلق فمك قبل

ان تقت لك صديقة
سارة مشيت و سابتنا لوحدنا و دي تاني غلطة تعملها انا مش عارفة البت دي بتفكر برجل كنبة ولا اي
بس كان في حد قرب من الناس اللي موجودة و معاه كتابي وقال
الكتاب تحفة و بهنيك على اختيار الأسماء
اتكلم زين بعد ما الشخص ده مشي وقال
لسه بردو مصممة ان اسم زين مش حلو و اسم فجلة بتاعك ده اللي حلو
ضحكت و قلت بأستسلام
خلاص ياعم عرفنا ان اسمك حلو حاجة تاني
طلب
طلب اي
تكتبي قصة جديدة واكون انا بطلها
موافقة بس يا ترى مختار اسم البطلة و لا اختار انا
عايزك انت تكوني بطلة الحدودتة دي
قصدك يعني يكون البطلة اسمها ملك بردو
لأ انت اللي هتكوني البطلة بس المرة دي مش هتكوني البطلة في حدوتة
ضحكت و انا مش فاهمة حاجة
امال بطلة في اي
بطلة في حياتي
بطلة في حياتك ازاي معلش
انا قلت بردو مش معقول ربنا يدي كل حاجة مع ان مش باين على مظهرك انك غبية
لأ هتغلط هغلط انا لساني اطول من شارعكم
قصدي عايز اتجوزك يا مهفوفة في عقلك
بلمت شوية كنت بستوعب كلامه
تتجوزني إزاي 
انت فهمت اي يا بني ادم انت انا قصدي انت ما شفتنيش غير مرة اكيد ماوقعتش في دابيبي يعني ما احنا الكتاب مش هنكدب الكدبة و نصدقها و حب من اول نظرة و الكلام ده
انت بس اللي شفتيني في المرة دي عشان كنت قاصد انك تشوفيني انا كل يوم بعدي من قدام الكافيه وانا رايح الشغل و اشوفك من الازاز قاعدة نفس القعدة و معاك اللاب لفتي نظري و ركزت معاك حفظت تفاصيلك القهوة اللي بتطلبيها كل نص ساعة بالظبط شعرك اللي بترجعيه ورا ودنك لما بتتوتري زي ما بتعملي دلوقت حتى ضوافرك اللي مقرقضاهم قلبت وشك وعصبيتك عشان مش عارفة تختاري اسامي الأبطال اسمك اللي حروفه مزينة ضهر اللاب حتى مسكتك للقلم انا حافظها 
ده انت مراقبني بقا و اكيد حضورك هنا مش صدفة اكيد
انا جيت عشان اساعدك تختاري الأسامي
بصتله شوية و قلت بأستغراب
الرواية خلاص نشرتها أسامي اي اللي عايز تساعدني في اختيارها
ابتسم
أسامي ولادنا
وقبل ما اتكلم او افتح بوقي كان بتاع البوفيه قرب مننا وهو شايل صينية عليها آيس كريم كان زين قال
قبل ما تسألي و تقولي فين القهوة انا اللي طلبت لك الآيس كريم
ضحكت و انا بقوله
ايس كريم اي بقا فين الشربات
منذ التقينا وأنا أسأل نفسي 
أي عمل صالح ...
ذاك الذي كان ثوابه أنت الرافعي
سميه_عبدالسلام