خطيب اسماء
المحتويات
خطيب اسماء
من كام يوم اتصلت بيا أسماء صحبتي منهارة من العياط وهي بتقولي أنا خلاص مش هكمل مع الإنسان ده تاني أنا تعبت ومبقتش عارفة أرضيه إزاي.. ده إنسان صعب اوي اوي ودماغه وحشة.
حاولت افهم منها بهدوء وانا بقولها شوية كلام يمكن يفرق معاها زي اهدي يا أسماء انتي عارفة عمرو بيحبك قد إيه.. دي كل الناس بتحلف بعلاقتكوا وبمدى التفاهم بينكوا انتوا أكيد خدتوا عين والله ما انتي مش مبطلة تنزيل استوريهات وصور كل يومين ليكوا.. اهدي واحكيلي ال حصل.
بدأت تاخد أنفاسها بصعوبة وهي بتحاول تسيطر على نفسها وقالتلي انتي عارفة استاذ هشام مديري في الشغل ال بحكيلك عليه..
اول ما قالت اسم راجل بدأت اتوقع السيناريو وقولتلها اه عارفاه كملي.
ردت وكملت بغضب أنا ياستي النهاردة عمرو كان معزوم عندنا وقاعدين مبسوطين وزي الفل ولقيت مكالمة من استاذ هشام رديت عادي
وفجأة لقيت عمرو اتحول وبيقولي انتي بتتكلمي جد ولا بتستفزيني يعني ايه يتصل يطمن عليكي! وليه يكلمك أصلا برا الشغل بدون سبب ونزل فيا اتهامات وزعيق قد كده وراسه وألف سيف أعمل بلوك لأستاذ هشام واغير رقمي ولو سألني في يوم أقوله أن مش مسموحلي أتكلم معاه خارج الشغل.
بذمتك في إنسان عاقل يعمل كده يا شهيرة
كنت خايفة جدا اقول رأيي في وقت زي ده لأسماء لأني عارفة أنها مش هتقبله وتشوف إني بغلطها وخلاص.
وسألتها طب وانتي
ردت وقالتلي بأنفعال معملتش طبعا هو أنا لعبة في ايده بيحركها ولا إيه أنا ليا حياتي وشغلي وزمايلي هو مش من حقه يلغي لي كل ده وقولتله أنا مستحيل أعمل التخلف ده قام ساب البيت ونزل وبعتلي رسالة بيقولي لو معملتيش اللي طلبته منك يا اسماء هعتبر انك بتتخطي رجولتي ومش معتبراني في حياتك.
بدأت اسماء تنهار من العياط اكتر وهي بتقولي بيحطني قصاد اختيار يا شهيرة عايز يكسرني بعد كل ده علشان موقف صغير بحسن نية من مديري هو ليه بيعمل كده.. هو بيتلكك علشان يسبني صح اللي يعمل كده أكيد محبش .
حاولت أأكدلها أن مفيش شخص حبها قد عمرو والدليل هو غيرته عليها دلوقتي وسألتها طب أنا هسألك سؤال يا أسماء وخليكي صريحة معايا كأنك بتكلمي نفسك.. هو الشغل ده أهم عندك من عمرو وحياتك الجاية وياه..
سكتت شوية وقالتلي لأ اكيد أنا كده كده هسيب
قولتلها بس هو مقارنش بينه وبين شغلك هو قالك تحطي حدود بينك وبين أصحاب الشغل يا بلاش منه.. وأعتقد أنك بردو مش هتحبي أن مديرته ولا زميلته يتصلوا بيه كده بدون داعي بغرض بيطمنوا عليه!! الموضوع مش لذيذ للطرفين صدقيني .
حسيت أن صوت انفاس اسماء بدأ يكون أهدى وبتستمع لي بتركيز افتكرت من ضمن المواقف حاجة تشبه الموقف ده وقولتلها فاكرة لما كنتي مع عمرو على التليفون وسمعتي واحدة بتقوله ازيك يا عموور وقالك أن دي أخت صاحبه الكبيرة ومتجوزة ومخلفة فاكرة وقتها انتي كنتي غيرانة إزاي عليه وقولتليه ميسلمش عليها تاني ولو شافها يتلشاها لأنك مش شايفة في قرابة أو صلة تخليها تدلعه كده
اسماء ردت وقالتلي ايوا فعلا يومها كنت هموت من الغيرة وبجد مجرد صوتها جابلي اكتئاب وقعدت أسبوع منكدة
قدرت أقنعها بعد
متابعة القراءة
