خطيب اسماء

مكالمة طويلة عريضة أنها تعدي الدنيا وتسمع كلامه بدون ما اتحيز ولا اقولها مين غلطان وفعلا سمعت كلامي وراحت عملت بلوك لمديرها والموضوع انتهى واتصالحوا.
لحد النهاردة الدنيا كانت ماشية تمام 
واتفاجئت برسالة منها من شوية بتقولي فيها شهيرة انا فركشت مع عمرو خلاص. 
افتكرت أنها بتعمل مقلب لأنهم لسه متصالحين!!
ردت وقالتلي للاسف المرادي مش بهزر أنا مش هقبل بواحد راجعي بيتحكم في كل تصرفاتي ويلغي شخصيتي.
اتصلت بيها علشان أتأكد هي بتهزر ولا بتقول إيه 
لقيت صوتها طبيعي جدا وبتقولي متقلقيش المرادي مبعيطش أنا بعدت وانا راضية جدا عن قراري وهرجع شغلي اللي سبته علشان واحد ميستاهلش تضحياتي.
طلبت منها تحكيلي الموضوع وقالتلي بكل بساطة بصي أنا أول مرة سمعت كلامك علشان انتي اقنعتيني لكن المرادي تأكدت أنه إنسان متخلف وتعبان في دماغه لما يشوفني خارجة مع ابن خالتي علشان نجيب هدية لخطيبته ويحلف عليا مفيش خروج وان اللي بيحصل ده عك حتى لو أهلي عارفين فأنا كده في المكان الغلط ده واحد عايز يقطعني من الدنيا كلها ولا أهل مسموحلي انزل معاهم ولا صحاب عايزني له لوحده طول الوقت
وقفت شوية عن كلامها وسألتها عايزك له لوحده لأ فعلا إنسان طماع اوي إيه القرف ده.
اسماء حست من صوتي بنبرة استهزاء وقالتلي انتي بتتريقي ليه على فكرة انا غلطانة اني حكيت لك انتي عملالي فيها ياسمين عز الشلة واصلا لو مكاني عمرك ما هتقبلي ده على نفسك ولا واحد يكتم على انفاسك كده.
حاولت اكون هادية لأني عارفة أنها مش في أفضل حالاتها وقولتلها بصي يا اسماء أنا هقولك كلام ومش ضروري المرادي تقتنعي بيه 
زمان لما كنت طفلة كان عندنا قانون كده في الحارة الولاد يلعبوا سوا والبنات سوا بعيد عنهم. 
ولما قرايبنا بيجوا عندنا إذا كانوا ولاد خالتو أو عمتو كنا بنلعب قصادهم مبندخلش اوضة ويقفلوا علينا. 
ولما كبرنا حبتين ودخلنا في مرحلة البلوغ علموني أن ابن عمي أو خالتي مش اخويا واني مينفعش اهزر واضحك معاه زي زمان لأني مبقتش طفلة.
ولما كبرنا اكتر واكتر مخدناش ارقام تليفونات بعض وبنشوف بعض في الزيارات كده بس بنرمي السلامات عادي وبيتعامل معاملة الأجنبي لأنه شرعا يجوز لي الزواج منه.
فلو انتي دلوقتي شايفة أن خطيبك لما يشاورلك على الغلط أنه راجعي ومتخلف ففعلا انتي معاكي حق تبعدي لأن اختلاف الفكر بينكوا هيعمل فجوة مرعبة بعد الجواز وهتحسي نفسك اتسرعتي.
بس لو هقولك رأيي بدون مجاملات وده حقك عليا كصحبتي هقولك انتي خسرتي عمرو. 
من بداية ما نبهك على قطع العلاقات بينك وبين مديرك الاربعيني وهو على حق لأن مفيش علاقة تحت مسمى زميلي_صاحبي المصطلح نفسه مش نافع.
لحد فكرة خروجك مع ابن خالتك علشان تجيبوا هدية لخطيبته اللي اعتقد انها مش هتتبسط لما تعرف أنك خرجتي مع خطيبها وان الهدية على ذوقك مش ذوقه.
قاطعتني اسماء وقالتلي مكناش هنقولها على فكرة.
كملت وانا بقولها كماااااان كماااان من وراها ليه يابنتي أنتي لست خطيئة علشان تخرجي معاه بدون علم خطيبته يعني حتى هو عارف أنه شئ يضايق ولو محتاس اوي كده ما كان قالك تنزلي أنتي تشتري بنفسك ولا ترشحيله بيدج اونلاين في مليون حل غير خروجك معاه
خطيبك الراجعي اللي بتتكلمي عنه ده هتشوفيه في كل نسخ الرجالة إلا نسخ طرية ودول مش بتوع فتح بيوت هيشوفوا الحياة فاني وسو واات وانتي بنفسك هتقرفي منهم.
انتي مش محتاجة اي حاجة يا اسماء غير أنك تتقبلي نفسك كأنثى وتحبيها 
وتعرفي أن ضعفك هو قمة قوتك. 
واحترامك لذاتك هيعلي منك مش هيصغرك.
معرفش ليه السكة عملت تييييت تيييت بس واضح أن رصيد اسماء خلص
بقلمشهيرة عبد الحميد. 
ممنوع سرقة النص أو نسخه مسموح فقط بمشاركة المنشور . 
متنسوش متابعة لصفحتي وقراءة بقية الأعمال . 
انسة_ شين.
شهيرة_عبدالحميد.