عاد لينتقم
المحتويات
بس تعرف انا بقي اجريت بعد خطوبه سنه وانا منتظراك ترجع وتتقدم ووقتها كنت هفسخ الخطوبه ووافق عليك فاكر اخر مكالمة قبل كتب الكتاب قلتلي ايه، قولت مش هتقدر تسيب شغلك بعد اللي وصلت ليه قولتلك هضيع منك وهبق لغيرك قلتلي محدش بياخد غير نصيبه.
معتز قرب منها عاوز يمسك كتفها بصت ليه وبحده قالتله انت مجنون ازاي عاوز تلمسني.
معتز نزل على ركبته وغصب عنها مسك اديها وقال احنا فيها اطلبي الطلاق وسبيه وتعالي نخرج من هنا سوا.
هي بتشد اديها منه وعنيها بتبص على الناس اكيد انت مجنون اي اللي بتقوله دا.
معتز اجننت عشان بقول الصح وارجعك ليا من تاني.
هايدي الصح هو انت غبي لدرجه انك ناسي اني خلاص اتجوزت وبقيت لغيرك.
معتز بحقد هنسي واعتبرهم كفارة عن ذنبي في حقك.
ابعد عني انت بالتأكيد مجنون انت متخيل هوافق على جنانك دا واسيب الراجل اللي عزني بعد ما هنت كرمته قدام الناس برفضي ليه اكتر من مرة عاوزني ابيعه بالرخيص اكيد لاء.
معتز بيغل وغيرة وبمكر وثيقه وغرور واللهفه اللي شفتها في عنيكي اول ما جات في عنيا وعنيكي اللي مش قادرة تبعديهم عني وانتي بتكلمني شايف نفسي جواهم، رعشه جسمك من اول ما شفتني ولمست ايدك وانتي بتسلمي عليا.
هايدى منكرش ابتسم بثقه لتكمل هي وبغرور بس مش زى ما انت فاكر انا في الاول استغربت وسالت نفسي ياتري هو ولا مش هو بسخريه اصلك متغير اوي بالبدله والكرفته والجل اللي على شعرك صحيح شكلك متغير عشان كدا اتلغبط وقلت ممكن ميكونش هو اصل سبع سنين كل مكلماتك معايا انك لسه بتلبس القميص اللي انا اشترتهولك بترن في وداني.
لكن دلوقتي وانا ببصلك وبسأل نفسي سؤال واحد هو انت كنت كدا من الاول وانا اللي اتخدعت فيك بس اكيد كنت كدا وكل حاجه كانت وضحة قدامي بس زى ما بتقول مراية الحب عاميه مكنتش شايفه قدامي معميه بأحلام ورديه.
معتز يعني اي.
هايدى يعني انا ازاي ضيعت سبع سنين من عمري على واحد زيك.
هايدى قامت وقفت بسرعه
معتز قام وقف وعدل الكرفته وبغل وهو بيجز على سنانه بكرة اندمك على كل كلمة قولتيها لما عريس الغفله يرميكي بنفسه بره بيته ومتلقيش حد غيري وقتها ننشوف مين اللي هيقعد عند رجل مين.
هايدي بلعت رقها بخوف اول ما وقف مروان قريب منها معتز بخبث همس قريب منها انتظري قريب اوي اول ضربة مشي وراح قعد في الكوشة وابتسامه خبيثه على وشه وهو شايف توترها ورعشه جسمها.
قربت هايدي بتوتر من مروان مسكت دراعه بخوف يكون سمعها وهي مستغربة سكوته، قلبها بيدق من سكوته دا وعماله تسال نفسها.
معقولة سمع الكلام اللي معتز قاله، بصوت مهزوز مروان مروان.
مروان بصوت هادى فاق مشرودة حاول يبتسم وقال لها في حاجه ياحببتي.
هي بتوتر اكتر بكلمك من بدري وانت مش بترد عليا.
مسك اديها وباسها وقعدها على الكرسي وقعد جنبها وبهمس
اصلك وحشتني وبفكر ازاي اخدك ونطلع شقتنا بسرعه.
هايدي ببتسامه وراحه انه مسمعش كلام معتز اللي عنيها جات في عينه وشافت نظرات الغل والتهديد فيها قربت من مروان ومسكت دراعه كانها بتقوله اعمل اللي تعمله ميهمنيش.
معتز عينه علي هايدى ولو كانت النظرات بتحرق كانت حرقتها وبيكلم نفسه وبيقسم اقسم بالله لاندمك ياهايدي على كل حاجه وايدك اللي مسكه بيها ايده لاقطعهالك ولازم ادوق المر.
مروان بيتنهد بحرقة مش مصدق الكلام اللي ابوه قاله عينه على معتز وبيكلم نفسه فيك اي مخلي بابا طالع بيك السماء بالشكل دا مع ان كلام بابا عنك عادى مفهوش اي حاجه مبهرة انت عادى زيك زي اي شاب سافر يكون نفسه، اللي مستغربه زيادة نور مفكش واحد في الميه من ذؤقها واختيارها هتجنن امته وازاي قدرت تقنعها تغير افكارها وقناعتها.
معتز بحيرة من نظرات مروان بيسال نفسه هو بيبصلي كدا ليه لو هو سمعني وانا بكلم هايدي كان عمل اي بس.
ساكت ليه مخدتش موقف ولا اتكلم ولا في حاجه تانيه شغلاه اضايق
مروان بيفتكر اللي حصل وهو بيكلم ابوه.
بابا انا عاوز اعرف اي السبب اللي يخلي حضرتك توافق على خطوبه وكتب كتاب اختي الوحيدة بشكل دا وكمان انا اخوها الوحيد اتعزم زى زي الغريب.
ابوه انا عارف انك زعلان ودا حقك لكن انت متعرفش اللي حصل في غيابك .
مروان اي اللي هيكون حصل يعني.
ابوه يكفي اقولك ان لولي معتز بعد ربنا كانت اختك ضاعت وضاع مستقبلها بعد ما خرجت من كليتها وعربية كانت قطراها ونزل منها كام واحد بيركبوها غصب عنها والشارع كان فاضي والحمدلله معتز كان معدى بعربيته وهو اللي انقذها.
مروان بهلع حصل اي بعدها بلغتوا البوليس..
امه من وراه بشهقه انت عاوزنا نتفضح وسيرة، اختك على كل لسان وكل واحد يقول كلام محصلش ويتوقف خال اختك ومحدش بيتقدم لها.، يابني احنا نحمد ربنا ان اختك بخير وربنا نجاها ورزقها بشاب محترم وابن ناس ومتعلم وفوق كل دا شريها وكل اللي برة دول بيحسدوها
عليه.
مروان بعدم راحه وقلق حاسس بحاجه غريبه في الموضوع انقذها وعجبته واتقدم ليها ايه سرالاستعجال في كتب الكتاب وحضرتك بترفض كتب الكتاب قبل الفرح
حتي انا ابنك رفضت اكتب كتابي قبل الفرح حتى لو بيوم.
ابوه الراجل شاري وقال انه هيجي يزرنا كتير عشان يتعرفوا على بعض وبنفس الوقت هيخدها تختار عفش شقتهم لوحدهم لازم يكون في اطار شىرعي الراجل عارف الاصول كويس اوي غير ان حالت اختك كانت صعبه ومنهارة وثقتها بنفسها رجعت وخوفها قل بعد ما اتقدم لها.
امه ردت وقالت وكمان هتسافر ليه عروسه بعد امتحانتها.
فاق من سرحانه على صوت زغريت وهايدي بتمسك ايده جامد.
بص ليها وسالها بعينه في اي.
هايدي بتوتر ورجفه بحسمها ضغطت باديها علي ايد مروان وهي بتشوف كل حطة دهب بيلبسها معتز لنور.
عدت الحفله ومش كل المعازيم وفضل معتز
قصدك اي باللي بتعمله فيا دا يامعتز ومش عجب نور اللي اتقدمت ليها ومن امته وانت في مصر واخر مرة اتكلمنا كان قبل فرحي بكام يوم وانا بترجاك تنزل تنهي موضوعنا.
معتز ابتسم بخبث وهو، شايف دموعها اللي بتنزل كل ما عينه تجي في عنها وقال كنت متاكد ان دا اللي هيوجعك وز ما جرحتني وخليتي دبله واحد تاني في ايدك شبكتك اللي اخترتيها حته حته في ايد اقرب حد ليكي ليل نهار في وشك ولسه ياما هوجعك وبردة هرجعك ومش هرحمك.
استاذن مروان من اهله واخد هايدي وطلعوا شقتهم.
وقبل ما توصل باب البيت داخت وكانت هتقع على الارض لولي مروان لحق وسندها وقف معتز بخوف وبصدمة للكل قال هايدي.
وقف بعد ما اتحرك نحية هايدي يلحقها على كلمة حماتها والفرحه اللي في صوتها ظهرة في كلامها.
حماته معقولة يا ابو مروان هايدي تكون حامل والدوخه اللي جات لها دي من الحمل.
ابو مروان يسمع من بقك ربنا دا هيكون احلي خبر.
ام مروان اكيد حامل ماهما قربوا على شهر متجوزين.
معتز ونار جواه بص لحماته بغل رجعت هي لوره من الخوف من بصته قالت بلجلجه.
في حاجه يابني بتبصلي كدا ليه.
معتز حاول يهدي نفسه .... ورسم ابتسامه صفره قرب منها وبصوت هادى ابدا يا طنط بس استغربت حامل بسرعه دى وهم ملهمش كام اسبوع متجوزين.
الام براحه وفرحه في كلامها عادى يابني في ستات كتير بيخملوا من اول ليله جواز وبيبان عليهم الحمل على طول.
معتز بيجز على سنانه استاذ منهم ونزل بسرعه رغم الحاح حماه ونور يقعد يتعشي عشاء العرايس رفض ونزل السلم جري وقف قدام باب البيت اتنهد بصوت عالي وكلم نفسه
اها لو كان كلام الست المجنونه دى صحيح والله لاخليكي تندمي اشد الندم. ياهايدى انا فكرت ان في واحد لمسك غيري مش بنام الليل منها تجي تحملي وكمان مكملتيش شهر دا اللي عمري ما هسمح بيه.
مش معتز وركب عربيته وفضل واقف مش بيحركها وعينه على
هايدى طلعت مع مراوان اللي
متابعة القراءة
