عاد لينتقم

ال اشتكت ليه الرجل حب يعملها مفاجأة لاختك ويفرحها، وبعدين غريب ايه ده بقا واحد مننا خلاص. 
معتز بابتسامه مستفزة لمروان تسلميلي يا طنط. 
رجعت هى للمطبخ وقعد معتز ومروان وجه بباه وجات نور ال فرحت اول ماشافته وفرحت اكتر بالهدية. 
بس هو كان واضح عليه الضيق. 
نور مالك يا معتز فى ايه؟ 
معتز بتمثيل انا بقول اخدها من قصيرها وامشى. 
نور بلهفة ليه كده؟ والعشاء ال ماما بتحضره. 
معتز اعذريني اصل حاسس حاسس انى مش مرغوب بوجودى. 
نور لا طبعا مين قالك كده؟ 
معتز وهو بيشاور برأسه على هايدى مش شايفه مرات اخوكى قاعدة ازاى ولا بتردى ترد حتى عليا غير بالقطارة ده غير انها شبه طردتنى ومكنتش عايزة تدخلني لولا والدتك وغير انها استغلت دخول والدتك المطبخ واصرت تعرف الهدية فيها ايه وفتحتها قبل ما انتى تفتحيها. 
نور انا خدت لبالى ان العلبة مفتوحه بس انكسفت اسأل. 
معتز بتنهيدة انا ال اتحرجت منها فعلشان كده انا همشى. 
_لا هو انا مش غالية عندك. 
_انتى لسه هتسالى. 
نور بابتسامه؛ يبقى تتغشى معايا وهايدي انا ليا معاها كلام تانى. 
قامت من مكانها وبصت على هايدى ال بتلعب فى تليفونها وحاطه رجل على رجل ومش معاهم خالص. 
وكملت بصوت مسموع هروح اساعد ماما ال واقفة فى المطبخ لوحدها من بدرى. 
اتحركت بعصبيه نادت ماما.
مامتها وهى بتطلع اخر صينيه من الفرن نعم يا حبيبتى. 
_هايدى عملت ايه لمعتز مخليه عايز يمشى وازاى تشوف هدية جيالى قبلى. 
مامتها بتنهيده انا مش عارفة ايه ال حصلها انهاردة كانت غريبة. 
نور حصل ايه. 
حكتلها. 
نور واضحة غيرانه منى بس انا مش هسمحلها تنكد عليا. 
مامتها ولا انا هديها فرصة. 
فى. الصالون وهى ماسكه التليفون جاتلها رسالة منه فتحتها لقت صورة قديمه ليها كانت بعتهاله زمان. 
وتحتها كاتب جوزك شاف الطقم ده قبل كده؟ 
عدى اسبوع وهو بيحاصرها برسائل وتهديد وصورها القديمه ال كانت بتبعتهاله وهى بتتجاهله وبتحاول على قد ما تقدر انها متتجمعش معاه فى مكان حتى الشارع بقت تخاف تنزل لوحدها او تزور أهلها بسببه وهو كل يوم رايح جاى على بيت حماها ال خفت نزولها ليه خالص وحماتها واخت جوزها فسروا ده غلط وأنها بتحاول توصل رسالة لمعتز انه مش مرغوب فيه مع كلام معتز لنور ال بتصدقه. 
فى يوم نزلت هايدى جرى على السلم لقت حماتها واقفة. 
بتنادى عليها. 
اول ما شافتها نازلة دخلت الشقة فدخلت هايدى وراها ونظرات حماتها وتصرفها قلقوها. 
اول ما رجلها خطت جوه الشقة لقت حماتها واقفة مدياها ظهرها ونور واقفة بتبكى. 
_مالك يا نور بتعيطى ليه؟ 
هنا حماتها اتعدلت وضربتها بالقلم بقا مش عارفة مالها وانتى السبب بعد ال عملتيه يا قليلة الادب. 
حطت ايدها على
خدها بصدمه بصت لحماتها بذهول ال عملته؟ ايه ال عملته علشان حضرتك تضربينى بالشكل ده، انا مش هتكلم مع حضرتك بس ليا كلام مع مروان لما يجى . 
حماتها بصوت عالى لا انا ال ليا كلام مع ابنى اول ما يجى يعرف حققتك ويشوف بعينه رسايلك وصورك اللي بعتها لجوز اخته بتروضيه عن نفسه وكمان بتتحيلي عليه عشان يعبرك وعشان هو راجل محترم وابن ناس ر فض يفضحك قدام جوزك واكتفي انه يقول لنور ويتحايل عليها متقلش لحد لولي انا سمعت كلامهم بالصدفة ومسكت نفسي بالعافيه لحد ما مشي وقلت اناديكي واقولك من سكات تلمي هلهيلك وتمشي بدل ما افضحك قدام اللي يسوى واللي نا يسواش.. 
هايدى ابتسمت وحمدت ربنا انها قالت لمروان كل حاجه بليل قبل ما يناموا وهو وعدها انه هيوقفه عند حده ويكشف العيبه قدام اهله. 
هايدي بصت لحماتها بكل ثقة وقعدت على الكرسي وقالت لها. 
انا نش هزعل من الكلام اللي حضرتك قولتيه وهعتبر ان نسمعتش كلمة منه على اعتبار حضرتك ام وخايفه على ولادها.
حماتها انت ازاي تكلمني بالشكل دا وتقعدى في بيتي دقيقه وحده بعد ما حققتك اتكشفت. 
من وراهم اديرت حماتها على صوت جوزها وهو بيقول. 
عشان هي صاحبة حق لو، وحده تانيه كانت قومت الدنيا ماقعدتهاش من كلامك واتهامك ليه على الاقل كانت ردت عليكي رد مكنش هيعجبك ولا يعجبني لكن هي بنت اصول واستحملت كلامك واهانتك ليها وهي مظلومه. 
نور ببكاء مظلومة يابابا دى حيوانه شف بنفسك صورها وكلامها اللي بعتاه لمعتز. 
ابوها سامحني يانور عيني ظلمتك بخطبتك وكتب كتابك على انسان مريض نفسي خدعني بكلامه وجميل كان مخطط ليه بحرفنه ودقة محدش يقدر يكشفها لولي هايدي كنا لسه على عمانا ومبهورين بيه. 
نور وامها بصوا لبعض وقالوا انت بتصدق الالعوبان دى اكيد دي كذبة منها بعد ما هددها انه هيقولنا حقيقتها ويكشفها قدمنا. 
الاب بالعكس هايدى مقلتليش اي حاجه كل اللي قالته ليا من كام يوم اني اقف تحت السلم وقت ما معتز ما يجي البيت لان في حاجه غريبه بتحصل وقت ما يكون موجود وطلبت مني معرفش خد واعمل شوشرة وتكون هي بيتهيقلها وبالصدفة كنت راجع من الشغل وقتها سمعته بنفسي وهو بيوقف هايدي وهي طالعة شقتها جريت و واقفت تحت السلم وللاسف سمعته وهو بيهددها لو مطلبتش الطلاق من مروان هيبعت صورها ورسايلها قبل ما تجوز مروان على اساس انها بعتتها ليه بعد ماخطب نور.
يومها سبحان من صبرني لحد ما يخرج من البيت واخدت هايدى ورحنا قعدنا في حته بعيد عن البيت يومها قالت. 
عمي انا اسفه اني خليت حضرتك تسمع الكلام دا بس انا ملقتش قدامي غير الحل دا بعد اسابيع قضتها وانا بفكر ازاي احل المشكلة من غير ما اجرح نور وقبل ما حضرتك تسال عن اي حاجه احب اعرفك ان مروان عارف اصل الموضوع من يوم ما وافقت ارتبط بيه حكتله كل حاجه الحاجه الوحيدة اللي ما يعرفهاش ان الشخص دا هو معتز، خطيب نور. 
ممكن تحكيلي كل حاجه واي حكاية الصور اللي بيهددك بيها. 
هايدي بحزن الصور دي اكتر غلطه عملتها في حياتي بس قبل حضرتك دا تفتكر انها صور مش كويسه دى كلها صور كان بيخدها من مكلمتنا فيديوا اللي كانت معظمها في اماكن عامه هتشفها بنفسك وباقي الصور هي صورحفل تخرجي ومعظمها نازل على صفحتي مفهاش حاجه مخجله. 
ودا تليفوني اقسملك ياعمو ماحزفت رساله ولا حرف واحد من سبع سنين للحظة اللي انا قعده فيها مع حضرتك وسامع صوت الرسايل بنفسك. 
اتنهد وبحسره ليه سكتي اول ما شفتيه وبعت ليكي يهددك، ما نبهتناش ليه. 
هايدى حاولت كتير وقلت ممكن يبعد من نفسه عني لما يقرب من نور ويعرف قمتها وانها انسانه محترمه وطيبه والكل بيحلف باخلقها وجمالها قلت بلاش اكون سبب زعل نور وخصوصا اني شيفاها متعلقه بيه ومنبهرة بشخصيته يوم وراء يوم كل ما احاول الفت نظر طنط ونور القيهم بيخدوا كلامي ويفهموه غلط ملقتش حل قدامي غير ان حضرتك تسمع بنفسك كلامه وبعدها اقدر احكيلك الحقيقة كلها. 
انا مصدقك يابنتي انا سالت عليكي كتير في شغلك وجرانك حتى زميلاتك في الجامعة لما لقيت ابني متمسك بيكي ومصمم عليكي وعرفت اصلك الطيب واخلقك العاليه ومتعرفيش دلوقتي كبرتي في عيني قد اي، بس ليا طلب عندك صغير. 
حضرتك تؤمر ياعمو. 
عاوزك تعرفي منه ليه نور دخلها في اللعبه بتاعته وازاي وصلها وكان ناوي يعمل فيها اي لو وفقتي على طلبه. 
رجع من شروده وقرب من نور بنته واتنهد بحزن وخرج تليفون هايدى وفتح تسجيل بصوت معتز،وهو بيكلم هايدي اللي استدرجته بالكلام 
معتز بضحكة خبثه طلبت من كريم اخويا يراقب بيتك ويعرف عنوان خطيبك وكل حاجه عنه وعرف وقتها انه ليه اخت بعد تفكير طويل ودراسه كل كلمة عرفتها ملقتش حل غير اخته طلبت من اخويا يرقبها ويعرف خطواتها حفظت كل تفصيله في يومها ونفذت الخطة اللي رسمتها ونجحت بامتياز وبقيت الشهم الشجاع اللي انقذ ربة الصون والعفاف وقتها ابوها اللي هو حماكي المحترم حب يشكرني عزمني على العشاء في بيته وطول القعدة بيكلمني على مروان ابنه الدكتور وفرحه المهول اللي عمله للبنت اللي بيحبها وقتها انا كل اللي كنت مخطط ليه اني ادخل البيت ورجلي تكون رايحه جايه عليه، لكن بعد كلام اهله عنك وعن حبك لمروان في الفترة الصغيرة اللي قضتيها معه وبالصدفة سمعت اتصال مع نور وسمعت ضحكتك اللي طلعه من قلبك يومها طلبت ايد نور من ابوها وهو كأنه ما صدق ما الراجل عاوز يرد الجميل، طبعا الهبله كانت فكراني بحبها وهي غبيه مش بتفهم اي كلمة واسئلتي الكتير عنك انتي ومروان وهي من هبلها كانت
بتحكيلي تفاصيل يومكم حتى اللبس اللي بتلبسوه. 
نور بانهيار يعني كل الفترة دى بيكذب عليا بيخدعني وخدني وسيله ينتقم مني. 
ابوها وحياتك انتي يانور عيني حقك اخدته من حبابي عنيه ودلوقتي هو في الطريق مع اخوكي سندك وعزوتك ومعهم المأذون.
بعد نص ساعه ونور حضنه ابوها 
وبتبكي وامها حضنه هايدي وبتطلب منها تسامحها. 
دخل مروان ومعه متعتز وكام واحد مسكينه شقهت ام مروان وهي شايفه حالته هو واخوه ووشه اللي مش باين ملامحه من الضرب. 
مروان اعمل اللي جاي عشانه بسرعه. 
معتز بيبلع ريقه بخوف وعينه على هايدي اللي بصله بمكر وسخريه وقربت منه كانها رايحه تقف جنب مروان وهمست ليه. 
اي رايك اتغديت بيك قبل ما تتعشي بيا وغمزت ليه وهي بتقوله ولسه ماشفتش حاجه من اللي هعمله فيك. 
مروان زغد معتز يلا انطق وقول اللي جاي عشانه عاوزين نخلص. 
معتز نور انتي طالق طالق طالق. 
ابو مروان للمأذون يلا ياشيخ كمل اجراءات الطلاق قبل البوليس ما يوصل. 
معتز واخوه بهلع بوليس ليه. 
مروان خدك عندك محاولة خطف وتهديد وابتزاز، غيركام قضيه حلوين للباشا اخوك منها سرقه عربيات وادمان. 
هايدي ضحكت ضحكة عاليه وقالت له وفي اهم قضيه
بس دى انا اللى هاخدها بنفسي. 
قربت منه وبكل قوتها ضربتة بالقلم على وشه وقالت ليه دا عشان تفتكر كويس ان بنات الناس مش لعبه وتكون عبرة لاي واحد، يفكر ياذي بنت. 
جه البوليس وقبض علي معتز واخوه. 
مروان قرب منها حسابي معاكي فوق بقي تتفقي مع بابا وانا اخر من يعلم. 
هايدى بدلع محبتش اقلقك ياروحي وكمان كان لازم عمو يعرف الحقيقة كلها لانه هيعرف يخطط ويدرس الموضوع كويس لكن انت هتخدك الحميه وهتروح تنتقم منه ووقتها هياخد حزره وممكن يسافر ويسيب نور متعلقه. 
نور قربت منها وقالت. 
سامحيني ياهايدى. 
هايدى حببتي انتي اختي الصغيرة وكنتي ضحية الحمدلله عدت على خير. 
حماتها اكتر حاجه مفرحاني وشفت غليلي هو القلم اللي اديتهوله. 
هايدي في نفسها على قد ما وجعني ضربته. 
تمت.