بئر الحرمان بقلم مروة حمدى
المحتويات
ال واقفين ومركزين معاها وكاتمين الضحكه ده غير ال واقف فى النص وابتسامته ماليه وشه.
هند احم كفاية كده يا مريم.
مريم وهى فى عالم تانى كفاية ايه بس يا هند ياه انا مش مصدقة اخيرا كمال هينزل وهنتجوز ويتقفل علينا باب واحد، كم يوم واشوفه قدامى كده واقعد جنبه فى الكوشه، ياااه الايام ماشية ببطء كده ليه! هصبر ازاى ده كله!
هند وهى بتلفها للناحية التانية من الناحية دى اطمئنى انتى مش محتاجه انك تستنى.
مريم قصدك ايه يا..
سكتت والكلام وقف على طرف لسانها مش مصدقه نفسها وهى شايفاه قدامها وبصوت كله شوق ولهفه كمال!
قرب منها وعيونه مش بتنزل من عايها بيشبع من ملامحها عيونه وقلبه يا مريم.
ابو مريم انا واقف يابن أختى احترم نفسك لحد ماتكتب كتابك وتاخدها على بيتك وعندك ابقى قولها ال انت عايزه كله.
ابتسمت مريم بكسوف وجريت على السلم وطلعت هند وراءها بشويش عشان الحمل وهو وعينه على السلم كتب الكتاب نخليه بكرة يا خال، أنا ضيعت وقت كتير ومش عايز اضيع اى لحظه تانية.
صوت الزغاريط ملئ البيت وكمال فى سره قد ايه كنت غبى يا كمال.
تم الجواز وسط فرحه الاهل والحبايب وكيد العزال وهمسات الحرابيق و عيون الحساد ال استكتروا على قلبين الفرحه.
اخدها كمال وسافر بيها للغردقة وهناك قضوا شهر العسل وكمال فى كل لحظه بيثبتلها انها ماغلطتش لما استنت.
ورجعوا على شقتهم ودى كانت أول مرة تدخلها مريم وهى واقفة على الباب وبعد ما حماتها فتحتلهم وهى بتزغرط وترش الملح الله اكبر نورتو بيتك يانن عين عمتك، بسم الله ارقيكم، خطى برجلك اليمين يجعل قدمك قدم الخير والسعد علينا يارب.
وقبل ما مريم تكمل خطوتها وقفها كمال استنى يا مريم.
مريم وأمه باستغراب فى ايه يا كمال؟
كمال وهو بيشيلها بين ايديه اول دخله ليكى لعش الزوجيه تكون وانت متشاله بين ايديا يا مريم .
اتكسفت مريم من عمتها ودارت وشها فى رقبته وهو ضحك على حركتها وعمتها وهى بتقفل الباب وراهم تشيل على ايدها تشيلها على راسك ماليش فيه انا حاسبلكم من ليله الفرح تسع شهور بالتمام والكمال وعايزة البيت ده يتملئ واء واء.
وعدت التسع شهور وكملت سنه كان فيهم هانى دخل كليه الهندسة واتعرفت على زميله ليه اسمها ندى وبدأت بينهم قصه حب واتعرف فى الكليه ان هانى لندى وندى لهانى، وحتى عند هانى فى البيت كانوا عارفين بالعلاقة دى وكمال حسم قراره ورغم محاولة زمايله ان يرجع تانى مسافرش،وبدأ مشروعه ال سمع ومع الايام بيكبر وحده وحده من شقه صغيرة بيصنع فيها أكياس بلاستيك للمحلات لمصنع متوسط بيصنع أكياس و كراسى وطرابيزات، أما بقا مريم فحياتها مع كمال كانت هادئة مفيهاش مشاكل كلها موده وحب طول ماهو بره هى عند حماتها مش بتخليها تشيل الياسمين من على الارض زى مابيقولوا بس تفتكروا الحياة هتفضل هادئة كده علطول وخصوصا ان اهم حلم حلموا بيه التلاته لسه مكملش؟ وفى يوم عيد ميلاد ندى وهانى بيفرج مريم على الهدية هنا بدأت الشرارة.
كانت قاعده فى الصالة وعنيها على العروسة ال بشكل بيبى وحاسة بقلبها بيدق بلهفه، مررت ايدها عليها واخدتها فى حضنها وهى سرحانه فى عالم تانى.
هانى انا كنت فاكر ان ندى بس هى ال مجنونه بحب العرايس طلع كله كده، خلاص يا مريم ابشري هجبلك عروسة زيها.
وهنا ام كمال مسكتتش وبخنقه المفروض ان هى ال تجبلنا العروسة يا هانى بس عروسة شحم ولحم مش لعبه.
هانى وهو بيشاور لأمه ويغمز انها تسكت بس هى مكنتش شايفه قدامها.
مريم قصدك ايه يا عمتى؟
ام كمال قصدى عدى حوول وشوية لا حملتى ولا سقطتى حتى.
مريم بدموع كتمتها وهو بايدى يا عمتى لسه ربنا ما اردش.
ام كمال وربنا برضه قال اسع يا عبد وانا أسعى معاك.
دخل عليهم كمال ال كان لسه راجع من بره فى ايه يا جماعه مالكم صوتكم عالى كده ليه.
نزلت مريم رأسها لتحت ودموعها بتنزل على
قرب منها كمال بخضه مالك يا مريم حصل ايه؟
بص هانى لوالدته بنظرة كلها عتاب وهى اتهربت من نظراته ورغم وجعها على مريم ال غلاوتها زادت فى قلبها بعد ما عاشرتها بس هى دلوقت زيها زى اى ام مش شايفه غير مصلحه ابنها وبس ولما مريم ما اتكلمتش وجه كمال سؤاله لامه قولى انتى يا أمى مالها مريم وحضرتك صوتك عالى كده لي؟
اخدت نفسها وبصتله بقوه اسمع يابنى ماهو حالكم ده مش عاجبنى.
كمال ماله حالنا ياما احنا الحمدلله كل يوم احسن من اب قبله.
امه انا مش قصدى على المال انا بتكلم على البنون زينه الدنيا.
كمال وده بايدنا يعنى يا أمى ربنا لما يأذن بقا لسه وقته مجاش.
امه بعصبية وقته ده ال هو امتى، ما اهو دخلنا فى سنه ونص ومافيش حاجه وال خايفه منه حصل..
كمال ايه هو ال حصل بس يا امى، الوقت قدامنا وانا مش مستعجل.
امه بصوت عالى وقت ايه ال قدامكم، انتى مراتك ماشية فى ال ٣٢ لو ناسى، يعنى مش كل سنه كل يوم حملها بيصعب على ال قبله، وده ال انا قولتهولك مريم كبرت حملها هيبقى عزيز شفلك بنت صغيرة تملى عليك البيت قولتلى مش عمرى ما هقل بأصلى مع مريم بحبها يا امى، ها ازى الحال بقا.
بصت مريم لعمتها بصدمه مقدرتش تنطق بس الكلام كان زى السهم ال قسم قلبها نصين.
كمال ايه ال بتقوليه ده يا امى.
امه مش هزوقها هى دى الحقيقة يابنى، ومش هينفع اقف اتفرج عليكم اكتر من كده انا صبرت شهر فى التانى بس خلاص مبقتش قادرة اصبر تانى.
عمتها بزعل متفهمنيش غلط يا مريم ربنا يعلم غلاوتك عندى انتى بنتى ال مخلفتهاش بس برضه انا ام وحقى افرح بعيالى، ومش طالبه منكم غير انكم تروحوا للدكتور عادى نروح ونكشف كله بيعمل كده.
هانى فى محاولة لتلطيف الجو يا ماما لسه بدرى على حوار لف الدكاترة ده انتى محسسانا ان ليهم عشرين سنه متجوزين.
امه بعصبية فى ناس بتلف من اول شهر وفى وضعهم ده كانوا هما المفروض من نفسهم يشوفوا العطل فين.
كمال بعصبية مش كفاية كده ياماما كلام وتجريح...
امه بصدمه انت بتعلى صوتك عليا وعشان ايه عشان خايفة على مصلحتك.
كمال حضرتك مش شايفه نفسك بتقولى ايه وكلامك..
وقفته مريم انه يكمل وقالت وهى ماسكه نفسها من الصراخ والكلام بيطلع منها بالعافية كمال ميقصدش حاجه يا عمتى وال انت عايزاه هنعمله شوفى انت الدكتور المناسب ونروحله.
حماتها بتنهيده راحه عاقلة يا مريم اومال انا بحبك ليه.
هزت مريم رأسها من سكات وقالت بصوت موجوع عن اذنكم طالعه ارتاح فى شقتى شويه.
حماتها مش هتتغدى معانا الاول.
بصلها كمال وهانى بعتاب وهما سامعين رد مريم ماليش نفس بالهنا على قلبكم.
وقفتها عمتها اوعى تكونى زعلتى منى يا مريم غضب عنى انا ام وخايفة على مصلحه ابنى بكره ربنا يكرمك وتفهمى وتقدري موقفى وبعدين انتى عارفة عمتك كويس لما اكون متعصبه مبعرفش انا بقول ايه.
منطقتش وخرجت بسرعه قبل ما تنهار قدامهم وكمال بعتاب مكنش فى لازمه للى عملتيه ده يا أمى كان ممكن تطلبى مننا نفس الطلب بأسلوب أهدى من كده ومكناش هنقول لا ومحدش كان هيزعل، عن اذنك.
وطلع كمال وراء مراته وهانى قال لامه كمال عنده حق يا ماما.
امه وهى بتقعد على الكنبه غصب عنى يابنى من قهرتى مشفتش قدامى.
هانى وهو بيقعد جنبها هو انا ممكن أسألك سؤال.
امه وايه الأدب والأخلاق العالية دى ما انت دايما حاشر مناخيرك فى ال ليك واللى مالكش فيه.
هانى لو طلعت فى مشكله عند مريم ووو.
امه من قبل ما يخليه يكمل يتجوز شرع ربنا ما يزعلش حد.
هانى طب ولو كانت المشكله عند كمال؟
امه بزعيق فشر قطع لسان ال يقول كده انا ابنى رجل وسيد الرجالة.
هانى انشالله ما يبقاش فى مشكله عند اى حد فيهم، يالا اطير انت بقا.
امه بسرعه استنى مش هتتغدى معايا انت كمان.
هاتى مش عايز اتأخر على ندى.
امه يا براحتك
هانى قرب منها وباس ايدها طب ما تكلميلى كمال نروح نخطبها.
امه ده انت لسه بتدرس ولا اشتغلت ولا كونت نفسك.
هانى ماالجواز بعد التخرج وابيه كمال قال هيساعدنى ها قولتى ايه؟
امه اطمئن غلى اخوك ومراته الاول وبعدين افوق ليك.
عند مريم وكمال فى اوضه نومهم، كانت مريم قاعده على السرير وجنبها كمال بيبوس راسها حقك علي قلبى يا مريم متزعليش من أمى انتى عارفاها كويس.
مريم انا مش زعلانه منها على قد ما انا خايفة يا كمال.
كمال خايفة من ايه يا مريم .
مريم خايفة يطلع كلام عمتى صح.
كمال ما تفكريش كتبر يا مريم ده رزق ومحدش عارف رزقه فين.
مريم انت مش هتزعل.
كمال وهو بيضم رأسها لصدره انتى لسه لخد دلوقت مش عارفة غلاوتك عندى ايه يامريم.
تانى يوم عند الدكتورة وبعد ما خلصت كشف.
الام بلهفه ها يادكتورة طمئنينى.
الدكتور بعمليه انا شايفه ان المدام صحتها كويسة ومافيش اى مانع من الخلفة.
ام كمال بعصبية اومال العطل فين؟
اتنفست مريم براحه وهى حاسة جبل انزاح من على صدرها وبتسمع كلام الدكتورة.
الدكتورة أهدى يا حجه، مش شرط يكون الزوجه عندها مشكله ممكن الموضوع يكون محتاج شوية مقويات او فى مشكله عند الزوج وده مش هيظهر غير بالتحليل.
ام كمال شكلك اصلا لسه متخرجه جديد ومش عارفة حاجه وهتجربى فينا، يالا بينا من هنا.
خرج كمال وكلام الدكتورة بيرن فى ودانه والقلق بدأ يدخل جواه اما مريم وقبل ما تحصلهم قالت للدكتورة متزعليش منها حق عليا انا هى اه حمقية وعصبية بس قلبها أبيض.
الدكتورة الله يعينك عليها على العموم انتى كويسة جدا وامورك تمام متخليش حد يوهمك بعكس كده، ولا تسمحى لدكتور يبوظلك هرمونات جسمك بعلاج غلط
مريم بابتسامه حاضر يا دكتورة.
حماتها يعصبية يالا يا مريم بتعملى ايه عندك!
مريم بسرعه جاية ياعمتى.
وطبعا يا حبايبى وزى ما كلنا عارفين ال بيدخل دوامه الدكاترة مش بالسهل يخرج منها وفضل كمال ومريم من دكتور لدكتور وكله نفس الكلام ولما يأسوا انهم يسمعوا حاجه جديده عمل كمال التحاليل ال طلبها منه الدكتور وهنا كانت الصدمه لما شافها وقال لاسف زى ما كنت شاكك، مشكةعويسة جدا.
كمال بصوت مهزوز مالهاش علاج يا دكتور.
الدكتور كله بتاع ربنا يخلق الداء والدواء وما تعرفيش بتجى على اهون سبب ويحصل حمل بس اهم حاجه الصبر وطوله البال.
مريم وهى ماسكه ايد كمال ال بتننفض واحنا معاك يا دكتور.
الدكتور بعملية كويس شوف يا استاذ كمال فى حالة حضرتك الحمل هيكون صعب جدا او مستحيل بالطرق الطبيعيه بس ممكن يحصل وانا بقول ممكن لو استمرينا على العلاج فترة.
كمال بصدمه قصدك بغد ده كله مممكن ما يحصلش حمل؟
الدكتور احنا بنعمل ال علينا والباقي على ربنا.
مريم وهى بتحط حجؤ على قلبها وعاملة مش فارق معاها بإذن الله خير يا دكتور
المرة دى حماتها. مرحتش معاهم عند الدكتور من خوفها يأكد ال بقت شاكه فيه، طول الطريق متكلموش،كمال كان وشه مطفى ومريم ماسكه ايده رافضة تسيبها، واول ما دخلوا على حماتها ال كبرت على عمرها عمر سألت بقلق قالكم ايه الدكتور ده؟
جاية مريم تتكلم وقفها كمال وقال كل كلام الدكتور الخبر نزل على ام كمال هدها كانت هتوقع من طولها لولا ابنها هانى ال سندها وقعدها.
بص كمال لمريم وعيونه كلها دموع وبكسره فى صوته يابنت الناس انا رجل مش عارف نفسى هل العلاج هيجيب معايا نتيجه ولا لا وانتى بنفسك سمعتى
كلام الدكتور وال قاله ولو عايزة...
وقفت امه من مكانها بسرعه وبصوت عالى تعوز ايه انشالله؟ ايه يابت محسن عاوزة ايه، بنت الأصول المحترمه تراعى جوزها وتقف معاه فى شدته متسبهوش تحت اى ظرف.
مريم مردتش عليها بصت لكمال وقالتله انا مش هسيب ايدك يا كمال واهو طريق هنمشية سوا وانشالله يستجيب.
وعدت الايام والايام
بصتلها مريم وأم كمال بقهر واتملت عيون مريم بالدموع لما حماتها اتهربت بعيونها عنها وجت عنيها على بنت صغيرة بين ايدين مامتها ظهر الشوق فى نظراتها وعطشها للامومه بيكبر جواها كل يوم عن ال قبله وحتى لو مقالتهاش بلسانها قالتها عيونها ونظراتها عايزة ابقى ام غصب عنها يا جماعه دى غريزة بتتزرع جو كل بنت مننا كان كمال واقف بعيد بس ملاحظ وكمان عمتها وعملت نفسها مش واحده بالها.
الجارة لام كمال بس عروسة هانى قمورة اوى يا ام كمال وقعتوا عليها ازاى دى؟
ام كمال زميلة هانى فى الكلية وبعدها بقت زميلة ليه فى شغله.
الجارة وعلى كده بقا داخله خالطه عليكى زى مريم ولا كل واحد لوحده؟
ام كمال برضه عايزة تجيبى مريم لدى
وبصدق قالت انا لو لفيت الدنيا كلها على كعوب رجليا مكنت هلاقى زى مريم بنت اخويا.
خلص الفرح ورجع على بيتهم وكمال لمريم مريم.
بصتله مريم بعيون مكسورة وهو قال ندمانه؟
ابتسمت ابتسامه ميته مبقاش ينفع خلاص يا كمال.
دخلت اوضتها وهو فضل فى الصلاة مش عارف يعمل ايه؟ ومريم فى اوضتها ضامه رجلها لصدرها ودفنه رأسها ما بينهم بتفتكر ال حصل من كم شهر وهما راجعين من عند الدكتور وكمال كان متعصب.
امه استهدى بالله يا حبيبى ايه حصل لكل ده؟
كمال ممنهوش فايدة يا انى حتى الحقن المجهرى فى خالتى الأمل فيه ضعيف واحد فى الميه.
مريم وهى بتحاول تهديه قادر ربنا يا كمال نجرب ويمكن تصيب المرة دى.
كمال وهو بيقعد ايدها انتى فاكرة إنه سهل عليا لما اخدك من ايدك واعملك العملية واستنى والنتيجه مفبش وانا عارف ان العيب منى انا بتكسر قدام نفسى قبلك يا مريم انا مش هعمل عمليات تانى ولا هحط نفسى تحت ايد دكتور.
ام كمال حسبى الله ونعم الوكيل فى ال باصص فى حياتنا اكيد دى عين وصابتنا الناس مش سايبة حد فى حاله.
مريم بتمنى طيب ايه رايك انا لاقيت حل مناسب.
بصلها كمال وأمه بتركيز حل ايه ده يا مريم؟
مريم بفرحه نتبنى عيل منها ناخد ثواب ومنها منتحرمش من احساس ام عندنا طفل بيقول ماما وبابا.
كمال بحده بصى يا مريم انا اكفل طفل اه لكن تقوليلى اتبناه واصرف واكبر ويجى اول ما شنبه يخط شكرا ليك لحد كده انا عايز اعرف أهلى مين؟ فلا...
ام كمال شوفى يا بنت اخويا احنا منرباش عيال الناس منربيش غير عيالنا احنا وبس والكلام ال قولتيه ده متفكريش فيه تانى حتى بينك وبين نفسك.
رجعت من ذكرياتها على رنه تليفونها.
مريم الو.
هند ببكاء مريم.
مريم بخضه مالك يا هند فيه ايه؟
هند قليل النخوه والرجولة ال يارب يتشك فى دراعه ضربني وفرج عليا الناس فى الشارع هو وأمه.
مريم بتنهيده وليه ده كله حصل ايه؟
هند ليه وليه اقول تعبانه وعايزة اكشف، العقربة قالتله دى بتدلع عشان متخدمش اخواتك واجوازهم فى عزومه بكرة عايزة تصورنا قدام نسايبنا وقام فيا زى الطور الهايج.
مريم يابنتى وايه ال جابرك على كده متسبيه وتمشى.
هند واروح بعيالى فين؟ انتى عارفه حال ابويا وبعد ما طلع المعاش بقت ضنك اكتر الا اذا سبتله العيال ومشيت وانا مقدرش على كده الا عيالى انا روحى فيهم اتجنن لو بعدوا عنى، وعشانهم بالعه الزلط انتى بس عشان مجربتيش فمهما اوصفلك مش هتفهمى.
سكتت هند وكانت بتعيد فى دماغها الكلام ال قالتله وبسرعه مع شهقه عاليه مريم انا اسفه حقك عليا انا مش عارفه قولت كده ازاى اصلا حقك عليا ده بس من همى.
مريم بوجع انا مش زعلانه يا هند ده نصيب ورزق منقسم لكل واحد المهم انا هبعتلك فلوس وروحى اكشفي.
هند بكسوف انا محرجه منك اوى يا مريم مش عارفه اقولك ايه؟
مريم اطلمى احنا اخوات ولولا المسافة وتعب الفرح كنت جيت واطمئنت عليكى.
هند اللاه صحيح الفرح
متابعة القراءة
