بئر الحرمان بقلم مروة حمدى

وخميسة دهب وتروحي تباركى وتنقطى ويمكن روحتك دى هى ال تصلح الحال وتعرف ان مافيش فى قلبك ليها غير كل خير.
وفى المستشفى بعد ولاده ندى الكل حواليها فرحان بالنونو وهى مسكاه.
كمال كبر لابنك يا هانى.
بصله هانى وابتسم ومد ايده واخده من ندى وبدل ما يكبرله اداه لاخوه وقاله كبرله يا كمال.
اخده كمال منه بأيدين بتترعش وبص على ندى ال ابتسمت ابتسامه مهزوزة وقلبها من جوه بيدق بخوف.
كبرله كمال ودموعه غصب عنه نزلت.
حمات هانى ها يا حبايبى ناوين تسموه ايه؟
هانى بابتسامه كمال على اسم اغلى واحد عندى فى الدنيا.
زغرطي امهم بفرحه ربنا يباركلكم فى بعض يا ولادى ولا يفرقكم أبدا.
قالت كلامها وعينها فى عين حمان ابنها، ال رفعت حاجبها وقالت بلؤم اومال فين مرات كمال الكبير مش المفروض كامو تكون موجوده تبارك لسلفتها برضه.
سكتت ام كمال معرفتش تقول ايه على دخلة مريم وهى بتقول السلام عليكم ورحمة الله وبركاته مبروك يا ندى حمد الله على السلامه.
قربت منها وباستها فى خدها والتانية حضنتها ببرود ومريم كملت معلش اناخرت كنا بجيب ال يليق بالبيبى 
وطلعت علبه قطيفة زرقاء عين حمات هانى كانت هتطلع عليها وتشوف جواها ايه.
عمتها بكيد اصيلة يا مريم طول عمرك بتفهمي فى الأصول والواجب بنت اصل بصحيح.
هانى بابتسامه وهو بيديها الولد هديتك تلبسهاله انتى بقا.
رجفه مشت فى جسمها كله وهانى بيحبها بيم ايدها، عنيها بقت تمشى على ملامحه، ريحته ال احلى من المسك وهى بتقربه منها بتبوس على خده بمحبه صافية اتولدت ليه بمجرد ما اتحط بين ايديها ودمعه نزلت من عينها على خده وهى بتهمسله ربنا يبارك فيك ويحرسك.
ندى بقلب مقبوض وصوت حاد هاتى الولد يا مريم.
كله بصلها وامها غمزتلها بسرعه تعدل الموقف وقالت عشان ترضعه.
هز كمال رأسه وقال لاخوه مبروك ما جالك يااخويا، يالا بينا يا مريم تيجى معانا يا ماما.
بس امه كانت فى عالم تانى مركزة فيه مع حفيدها وبس والفرحه ظاهرة على وشها وملامحها ال صغرت عشرين سنه فابتسم ابتسامه صغيرة وخد مريم فى ايده وخرج.
ركبوا عربيته وبص عليها لقاها سرحانه وهو عارف احساسها دلوقت عامل ايه لانه نفس احساسه بالظبط بس هيقول ايه ده نصيبهم وقدرهم.
كمال بصوت هادئ حنون مريم، مريم.
مريم ها يا كمال فى حاجه؟
كمال انت مش معايا خالص بنادى من بدرى.
سكتت وهى خايفة تقوله ان قلبها سابته هناك فى المستشفى بين ايدين ندى.
مريم بابتسامه مكسورة لا معاك اهو.
كمال ايه رأيك تقضى اليوم كله سوا بره انهاردة نتغدى ونتعشى ونتمشى على الكورنيش.
مريم بضحكه كل ده.
كمال وندخل سينما كمان يالا عن محد حوش.
قضوا اليوم وندى خرجت على بيت أهلها وبعد شهر رجعت وحماتها كانت فى استقبالها هى ومريم وطبعا مقدرتش ندى تعمل اى رد فعل معاها خصوصا بعد السبوع الخرافي ال عمله كمال للمولود بس مطولتش فى وقفتها وخدته من بين ايديهم وطلعت على شقتها متحججه بتعب الولاده.
عشان يعدى يومين والمفروض ان ندى ترجع شغلها تانى والا هتترفض من الشركه ال ملايين غيرها بيحلموا يعدوا من قدامها بس بعد ما هانى رفض امها تشتغل معاه فى مشروعه ال بدأ فيه وفهمت انه بيعاقبها بكده فمحبتش تبينله انه انتصر عليها بس دلوقت هى بتدور على حل فاتكلمت معاه وقالت.
هانى.
هانى وهو بيلاعب ابنه ها.
ندى المفروض انى ارجع الشغل بكره.
هانى تمام.
ندى تمام ايه وكمال الصغير؟
هانى ماله؟.
ندى هوديه فين؟
اتعدل كمال تصدقى صح مغكرتش فى الموضوع ده، خلاص سيبى الشغل.
ندى نعم اسيب وظيفة الف بيتمناها .
هانى وابنك؟
ندى انا بقول اخليه مع جاكى؟
هانى بزعيق انتى اتجننتى يا ندى انتى عايزة تسيبى ابنك مع الشغالة من ٩ الصبح لخمسة المغرب ياندى.
ندى طيب اوديه حضانه استضافه
هانى مش هأمن لابنى مع ناس غريبة، روحى وديه عند امك.
ندى تفتكر مفكرتش فى كده؟ بس المشوار بعيد بينا وبين ماما فى الروحه والجاية وتعب على البيبى وعليا وغير كده ماما مالهاش فى تربية الاطفال خلقها ضيق وصحتها على الكد.
هانى خلاص اديه لامى وهيكون على قلبها احلى من العسل نفسه.
ندى لا امك لا.
هانى بعصبية انتى مش مأمنه لامى يا ندى.
ندى لا طبعا مش ده ال اقصده انا قصدى انى مش مأمنه لمريم وخصوصا انها عندها علطول.
هانى يا شيخه حرام عليكى بقا الست فى حالها ومختصراكى وبعدين الولد مع أمى لو انا نفسى ابوه اذيته هتاكلنى بسنانها. 
ندى ومريم.
هانى وهو بيحط الولد بين ايديها يوووه ده موضوع قديم واتفقل خلاص انسيه بقا وال عندى قولته والا اقعدى فى بيتك وربى ابنك.
بعد ليل طويل من التفكير الصبح ندى وهى نازلة خبطت على حماتها ال فتحت باستغراب؟ ندى خير يابنتى فى حاجه؟
ندى وهى بتبص بعنيها يمين وشمال هى مريم فين؟
حماتها مريم؟ وايه ال هينزلها الساعه دى يابنتى؟
ندى بابتسامه طب كويس بقولك يا طنط انا راجعه شغلى وكنت حابه اسيب معاك كمال الصغير لحد ما ارجع هيكون فى مشكله معاكى؟
حماتها بفرحه مشكله ايه يا هبلة ده حفيدى الغالى، تعال يا قلب تيته تعالى.
ندى اتفضلى وفى الشنطه دى غيراته ودى روعه مجهزاها ودى علبه اللبن ال الدكتور قايل عليها وده دواء المغص بتاعه.
حماتها خلاص فهمت متقلقيش هو انا جديد عليا تربية العيال.
ندى تمام هسيبكم انا بقا دلوقت عشان ما اتاخرش سلام.
واستمر الحال ده شهور لحد ما تم كمال الصغير عشر شهور كانت ندى ترجع من الشغل تاخده تلاقيه مستحمى هدومه نظيفه ريحه حلوة ونايمة شبعان، لدرجه انها اوقات كتير كانت ترجع على شقتها وهى مطمئنه تريح حبه قبل ما تنزل تاخده من حماتها وهى مطمئنه حاجه وحده كانت بتضايقها ان بوم الاجازة يفضل يصرخ بصرخ لحد ما بينزل عند جدته تحت بعدها بيسكت وفى يوم الاجازة وزى ما اتعودت صحيت على صراخ كمال.
ندى بنعاس يابنى حرام عليك يابنى مش كده حتى يوم الاجازة مفيش راحه، هانى خده نزله لأمك.
هانى وهو بيرفعه على حسب ما اتعود.
ندى ال قاهرنى انه بدأ يقول بابا وبدل ما يقول ماما ليا بيقولى ننا.
هانى وهى بيهرب بعنيه لسه صغير وبعدين عشان مش شايفك اغلب وقته مع جدته.
ندى وهى بتدخل الحمام يمكن.
هانى فى سره ربنا يستر.
نزله هانى ورجع تانى ينام كانت ندى خلصت شاور. وقالت لنفسها اذا كام حبيك عسل الست كده تتضايق على الاقل انزل اقعد معاها تحت.
ونزلت وتخبط على باب الشقه سمعت صوت مريم لحظه يا كمال كيمو بغير لكيمو.
فتحت الباب وهى شيلاه وبتقول كيمو الكبير وقف الكلام على لسانها وهى شايفه ندى واقفة وبتبصلها مرة ولابنها ال على ايدها مرة تانية.
هى اه كانت متوقعه ان مريم بتكون موجوده وتشيله بس من الصبح بدرى كده؟
مدت ايدها عشان تاخد الولد ايديها اتجمدت وهى سامعه صراحه وبيقول ماما ويمسك فى مريم ومش عايز يسيبها.
ندى بصدمه ماما!
بعصبية قربت من الولد عشان تاخده وهو على صرخه واحده ويمسك فى مريم اكتر واكتر.
مريم بالراحه يا ندى بالراحه الولد خايف منك انا ههديه وهجبهولك؟؟
ندى انتى انجننتى انتى هتهديلى ابنى وخايف منى انا انا امه ومش خايف منك انتى.
وعلى صوت زعيقها وصوت صراخ الولد نزل هانى وكمال وطلعت حماتها من الاوضه.
حماتها فى ايه ياندى بتزعقى ليه يابنتي؟
ندى ابنى بيعمل ايه مع مريم يا حماتى.
حماتها هيكون بيعمل ايه معاها زى ما انتى شايفه شيلاه.
ندى بصريخ بس انا بسلمه ليكى وبتسلمه منك دى يتعمل ايه معاه.
هانى ندى صوتك ما يعلاش على أمى، كان حصل ايه يغنى لده كله؟
ندى ال حصل ان كلكم شايفينه وبتستغفلونى ان الست مريم سرقت منى ابنى الولد بيقولها هى ياماما وانا لا خايف منى وهى لا.
حماتها عشان هى ال معاه وشيلاه اغلب الوقت بيشوفها اكتر ما بيشوفك.
ندى بس انا بسيبه ليكى انتى امانه؟
حماتها امانتك محدش فرط فيها بترجعي بتلاقيه واكل شارب نايم مستحمى، كنا انا هجيب صحه من فين لده كله والست كتر خيرها قامت بالواجب ده.
ندى وانا بقا مش عايزاها تقرب من ابنى.
حماتها يبقى تاخدى ابنك بعيد عننا انا مش هكسر نفسها كل مرة عشانك وشوفى بقا مين يراعهولك.
كمال ولأول مرة بعصبية قال لهانى لحد كده وكفاية اوى يا هانى اظن انه آن الأوان انك تاخد ومراتك وابنك وتشوفلكم مكان تانى تعيشوا فيه حياتنا مع بعض بقت مستحيلة.
حماتها بدموع منك لله يا ندى هتفرقى اولادى عن بعض.
ندى بتأمر على ايه على حطه العمارة ال محلتكش غيرها سيبنهالك مخضرة وهنكسن فى الأحسن منها وهجيب لابنى مربية واتنين وتلاته كمان وموت بحسرتك انت والقرية مراتك يالا يا هانى.
هانى بجمود انتى ال يالا يا ندى من هنا.
ندى بصدمه انت بتقول ايه يا هانى،
هانى بقول لحد كده وكفاية اوى كل مرة بتغلطى واعدى بس المرة دى لا يا ندى مهما كنا بحبك مش هسمحلك تتتمادى فى غلطك.
ندى بصدمه انت بتتخلى عنى انا ام ابنك عشان دى؟
هانى انت ليه دايما حطاها فى دماغك؟ دى عملتلك ايه؟ انا مش فاهم انتى الغيرة عمت قلبك والسواد ال جواكى نغص علينا عيشتنا وكده حبنا.
ندى بدموع تمام يا هانى انت ال اخترت.
سحبت ندى الولد بقوه وخرجت مت الباب وراها مريم بتصرخ لا يا ندى لا انا مقدرش اعيش من غيره لا..
ووقعت من طولها مغمى عليها وجرى عليها كمال وهانى شالوها دخلوها جوه
ومن اول ما وصلن ندى عند امها والولد مش بيبطل عياط مهما يحاولوه يهدوه بيبكى ويقول ماما.
ام ندى يابنى ماهى امك اهى.
ندى بدموع قصده على مريم ال خربت بيتى يا ماما.
ام ندى مريم! هو فى ايه وال جابك انتى اصلا الساعه دى انا اتلهيت مع الواد وصريخه حصل ايه؟
حكت ندى كل ال حصل.
امها المرة دى غلطتى ياندى وغلطك كان كبير اوى.
ندى انتى ال بتقولى كده ياماما؟
ام ندى انتى عارفة ان مريم ال بتراعيه وعملتى عبيطه عشان مصلحتك بس انه يقولها ياماما ده جنبك وحستيه بيروح منك وبرضه ده بسببك فضلتى شغلك على بيتك وابنك.
ندى بدموع هانى خرب البيت يا ماما.
امها انتى ال خربتيه بغباءك لما غلطتى فى أهله قدامه وهينتهى اخوه ال معملش معاكم غير كل خير وطلعتيه قدامهم مالوش كلمه وبيمشى وراكى ما تلوميش حد يابنتى غير نفسك وراجعيها وحاولى تصلحى ال حصل.
اخت ندى ابله ندى ابله ندى هو النونو سكت كده ليه؟
بصوا عليه لقوا شفايفه زرقا وعيونه مغمضه.
ندى بصراخ ابنى.
ام ندى الواد اتفلق من العياط ياندى 
وفضلنا يضربوا فى وشه بالراحه يفوقوه فى الوقت ال مريم فاقت فيه بتصرخ وبتقول ودونى لكمال الواد هيموت من غيرى وانا كمان.
كمال أهدى يا مريم..مريم وهى بتقوم من مكانها بسرعه وكل ما تمشى تقع الولد يا كمال الولد هيروح وانا كمان ابوس رجلك ودينى ليه.
حماتها باستغراب وشك فى ايه يامريم. 
مريم بدموع مفبش وقت انا حاسه بيه حاسه بروحى بتسحب منى.
حماتها بخوف على هناك يالا.
ووسط صراخ ندى وهى بتقول حد يتصل بالاسعاف ابنى بيروح وبين امها ال تحاول تفوقه الباب خبط وفتحت البنت الصغيرة ودخل كمال وهو شايل مريم ال مكنتش قادرة حتى تقف على رجلها.
ندى بسرعه جريت على هانى بتشده الحق الولد يا هانى.
مريم وصوتها طالع بالعافية هاتوه.
اخدته عمتها وحطته بين ايدها وريحها كمال على الكنبة وشوية وشوية لاحظوا كلهم أن لون الولد بدأ يرجع طبيعى وبدل يحرك رأسه وهو بيتمسح فى رقبه مريم وهى كمان دموعها بتنزل وبتحضنه بلهفه وبتبوسه وبعد شوية طلع صوته ماماااا.
مريم ببكاء روح ماما ال كانت هتروح منها يا كمال.
ده كله والواقفين مستغربين من ال هما شايفبنه وبعد ما تطمنوا على الولد وسابوه معاها.
عمته بحده مسكت دينها ورفعت وشها وقاالت بعصبية ال بيحصل ده مش طبيعى، عملتى ايه فى الواد يا مريم.
كمال ايه ال بتقوليه ده يا أمى.
امه استنى يا كمال انا ملاحظه ان علاقة مريم بالولد متغيرة بقالها فترة الولد مبقاش يطيق يقعد فى حضنى حتى مش عايز غيرها قولت يمكن اتعود عليها بس لو ال حصل قدامنا ده شايفينه طبيعى قولولى.
ندى وبكاء الهيسترى فى يوم الاجازة وسكرته بس لماينزل ليها وخوفه منى.
ام ندى الواد من كتر العياط وشه زرق ونفسه اتكتم كاز هيروح فيها.
عمتها انطقى يا مريم
كمال بعصبيه مسكها من دراعها مريم لو مخبية حاجه قولى يا مريم.
مريم بهروب هخبى ايه هو بس متعلق بيا وانا متعلقه بيه
مسكته حماتها من بين ايديها فجاءه ودخلت بيه اوضه وقفلت على نفسها وضراخ الولد ملى البيت ومريم جريت على الباب تخبط لا يا عمتى لا هيرجع للحالة تانى لسه ماخدتش نفسه أخرجى يا عمتى اخرجى وانا هقول.
خرجت عمتها وهى ماسكاه وحطته تانى فى ايدها ؛عملتى ايه يا مريم.
قعدت مريم فى النص وهما واقفين حواليها كانت زى المتمه مرعوبة وخفيفه بتحضن فى كمال تاخد من حضنه القوة وبدموع قالت من شهر اول كلمه قالها كمال كانت ماما قالهالى انا يومها الدنيا مسعتنيش من الفرحه، اتصلت غلى هند صاحبتى وقولتيلها.
هند يختاى فرحتك بيه هتخلص بدرى بدرى لما امه تعرف.
مريم ليه بتقولى كده؟
هند ياسلام لما انت بتستخبى منها لما بتيجى تاخده وكلكم مخبين عليها انه ساعات بينام عندك لما تعرف هتهد الدنيا، وال زى دى غلاوية هتعوز تحرق قلبك والاكيد هتبعده عنك.
مريم ببكاء وهى حضنه كمال لا تبعدى عنه لا، انشالله اعيش خدامه تحت رجليها بس تبعد عنى كمال لا.
هند ايه رايد انا عندى الحل ال يخليها هى بنفسها تجيبه ليكى.
مريم الحقينى بيه.
هند نعمل عمل نربطه بيكى انتى وهى كده كده بترميه ليكموا يعنى مش فى دماغها وتخلف غيره عادى والولد يعيش معاكى ومعاها فى نفس البيت العمر كله.
مريمانتى عايزانى نفسى أذى كمال ياهند انجننتى.
هند ومين جاب سيرة الاذية بس احنا لا هنجننه ولا نمرضه احنا هنعلقه بيكى مش أكتر، وبعدين ده موضوع متجرب انا نفسى جربته.
مريم بزهول انتى يا هند؟
هند اه انتى مش ملاحظه انى بطلت اشتكى من جوزى؟ عملتله بالعشق عند واحدة عقر دلتنى عليها جارة حبيبة كده ومن يومها وال اقوله نعم وأمين لدرجه انى بفكر اعمل عمل تانى لحماتى اروشها بس استحرمت.
قولت كفاية عليها شفتى وانا وابنها مبسوطين دى لوحدها هتشلها.
بصتلهم مريم وكملت بس انا رفضت وقتها ومردتش لحد ما سمعتك فى يوم بتقولى لحماتى وانتى بتاخدى الولد هو مش ناوى يقول ماما ابدا.
وقتها خفت تبعدينى عنه واتصلت على هند وورحت البلد زيارة لما استاذنتك يا عمتى قعدت خمس ساعات ربنا وحده يعلم عدى عليت ازاى وانا كل ما اكلمك عشان اطمئن عليه. اسمع صوته بييكى بيضحك بياكل.
قابلت الست دى ودتنى قطرة وقالتلى احطها فى بقه.
بس انا خفت عليه ومردتش احط غير نصها والنص التانى انا شربته وقولت ال يسرى عليه يسرى عليا.
قلم نزل على وشها من كمال ال لأول مرة ايده تترفع عليها وبعيوني حمرا بصلها وقال اخر حاجه كنت اتوقعها منك يا مريم.
الدموع انحجرت فى عنيها وجات عمتها مسكتها من كتفها اسمها ايه الست دى؟
ماتكلمتش هاتها تأنى بقولك اسمها ايه؟
بصتلها مريم بعيون ضايعه هند ال تعرفها.
ندى بدموع اتصل عليها حالا.
كمال ااخلصى.
رنت مريم على هند ال اول مافتحت المكالمه بصراخ قالت الحقينى يا مريم شفتى ال حصلى الوليه شافت العمل ال عملته وفضحتنى فى البلد وقالت عليا سحارة وخلته طلقني وخد العيال منى وقالهم امكم ماتت والسحارة دى متعرفوهاش، عيالى يا مريم انا عايزة عيالى.
ندى زى ما فكرتى ودلتيها ازاى تاخد ابنى منى ربنا سقاكى من نفس الكاس.
مريم بهدوء الست اسمها ايه يا هند.
هند اسمها فوزية على مدخل البلد بش انتى عايزاها ليه تانى.
قفلت فى وشها.
وبصتلهم بهدوء انتوا عرفتوا مكانها.
عمتها روحلها خلوها تفكه وانت يا هانى هات الشيخ عبد المتولى من الجامع وهاته.
وعدت الساعات سنين لحد ما رجع كمال بقطارة تانية وراها للشيخ ال كان قاعد بيقرأ مرة على مريم ومرة على الولد واخدها قرأ عليها وشربهالهم وبعدين بص ليهم وقال هيحتاجوا كم جلسه كمان لان العمل ده مشروب بس فى الفترة دى ما تفصلهمش عن بعض غير بالتدريج مع تشغيل القرآن حواليهم دايما.
وقبل ما يخرج بص ليهم والكاظمين