بئر الحرمان بقلم مروة حمدى

جاتنا خيبة.
مريم حلوة لنفسها وحشه لنفسها، هى جايه على شقتها مالهاش دخل بيا انا وحماتى.
هند وهتفضلى على الحال ده يامريم سبيه وشوفى حياتك والحقى نفسك طالما حتى مش راضى تتبنى عيل.
مريم بعد الحب والعشره دى كلها يا هند ده انا معملتهاش وأما بنت التلاتين هعملها دلوقت وانا داخله على الأربعين مقدرش ابعد عن كمال بس فى نفس الوقت نفسى اسمع كلمه ماما غصب عنى يا ناس، وحتى هو لو اتعالج فأنا خلاص فرصى قلت اوى يا هند.
هند بزعل على صاحبتها قادر ربك على كل شئ يل مريم.
عدت الايام والعروسة قافلة على نفسها ما بتنزل غبر لو فى حاجه او هى عايزة حاجه وده طبعا بعد ما بترجع من شغلها هى وهانى.
وفى يوم هانى رجع من شغله وهو شايلها على ايده كانت مريم واقفة قدام باب شقه حماتها وبقلق شايفه يا عمتى.
عمتها ماليش دعوة تعيش تموت بت حاطه راسها فى السماء زى ما نكون شغالين عندها.
مريم لا انا هشوف مالها على الاقل عشان هانى .
قابلته مريم على السلم سلامتها الف سلامه مالها؟
هانى مش عارف يا مريم طول اليوم كانت مدروخه ومعدتها تعباها واحنا داخلين وقعت من طولها فمعلش يا مريم خليكى معاها لحد ما اشوف دكتور.
امه بفرحه وهى سامعه كلامه روح يا نور متقلقش وانا بنغسى هطلع ليها واخلى بالى منها.
استغربتها مريم بس معلقتش وطلعوا سوا ومعداش وقت كتير كان هانى رجع بالدكتورة ال بعد ما خلصت كشف بصتلهم بابتسامه ميروك المدام حامل.
الجملة دى كان ليها أثر على كل النفوس ال كانت واقفة، منهم ال الفرحه مكنتش سيعاه زى هانى وامه، ومنهم ال كان فرحان بس فى نفس الوقت مقهور وكان بتتمنى لوسمع جمله زى دى ولو مرو واحده زى مريم ومنهم ال مضايق زى ندى.
طلع هانى تليفونه انا هبله حماتى وافرحها وانا بوصل الدكتورة متسببهاش يا مريم عشان خاطرى.
حماتها لاحظت وشها ال اتقلب وقالت مالك يا ندى انتى مضايقه ولا ايه؟
ندى ولا حاجه يا طنط هضايق من ايه بس.
حماتها وده شكل وحده فرحانه.
ندى ماهو لسه بدرى ياطنط احنا عرسان مكملناش شهرين ماحقناش نفرح وننبسط .
مريم بقهر احمدى ربنا على النعمه يا ندى.
ندى فى سرها يوووه.
علت صوتها شوية عن اذنكم عايزة ارتاح شوية واهو انتوا سمعتوا بنفسكم كلام الدكتورة.
حماتها وهى هتفرقع مم الغيظ لمريم انا نازلة جاية معابا؟
مريم هستني هانى لما يجى عشان متزعلش.
حماتها براحتك بس اعملى حسابك ما بيطمرش.
ونزلت وطلعت مريم الصالة وبقت تغيب وهى تبص فى الساعه هو هانى اتاخر كده ليه؟ زمان كماتل على وصول وبيحب يلاقيني مستنياه.
مخلصتش كلامها وكان هانى داخل بحماته ال مبطلتش زغاريط رحبت بيها مريم والست دخلت عند بنتها ومريم على المطبخ وهى خارجه بالصينية ورايحه على الاوضة لقت حمتها راجعه مع هانى ففهمت انه جابها عسان ترحب بنسايبه. 
مريم بضحكه و همس ميلت على حماتها رجعتى؟
حماتها بنفس الهمس حكم القوى وبعدين قولت امها مالهاش ذنب دى مهما كان ضيفه برده.
وقفوا على الباب بصدمه قبل ما يدخلوا وهما سامعين حماة هانى بتقول بقا دى مرات رجل الأعمال كمال صاحب اكبر مصنع بلاستيك فى المحافظة.
ندى يدى الحلق للى بلا وودان، ده انا اول مرة شفتها افتكرتها قرببتهم خدامتهم من ال بتعمله مع حماتى طلعت مران ابنها، 
امها يعنى تفتكرى لو كان سلفك ليه فى الخلفة كان بقا عليها؟! ده بس عشان مش عايز يتفضح وسط الناس انه مش بيخلص واهى بنت خاله اولى ببه وخدمه امه.
ندى حقه يا ماما دى لا شكل ولا تعليم.
الصينية وقعت من ايد مريم بصدمه وهانى كان واقف زى ال اتكب هليه مياة ساقعه وندى وامها بلغوا ريقها وبصوت لبعض بتوتر.
ومريم نزلت على تحت جرى.
وحماتها بضيق دخلت علبهم وبعصبية يمكن مريم شكلها مش حلو زى بنتك بس هى ملكه عنها بأخلاقها، مريم مش خدامه مريم صاحبة البيت، ماهو بيت جوزها حتى العفش ال حضرتك نايمه عليه ومبرطعه اوى بتاع جوزها،واهو جوزك واقف اهو وأساليه فى جوازته منك صرف ايه او انكلف ايه غير مجهوده.
ام ندى ولازمته ايه الكلام ده يا اك كمال؟
ام كمال لازمته ان ال يدخل بيت يحترم اهله وناسه فعشان كده المفروض تعتذروا لمريم الست ال بطيب خاطر راحت تضيافكم.
ندى سامع يا هانى كلام والدتك.
ام ندى يعنى انتى بتبدى مريم على بنتى ال هتملى عليكى البيت عيال.
ام كمال مريم شايلانى من اول يوم وشايله البيت كله على دماغها، بنتك حتى كوباية المياة ما شربتها من وراءها لحد دلوقت، عى نفسها اوقات كتيربتبعت جوزها ياخد من الاكل ال مريم مجهزاه قال ايه راجعه من شغلها تعبانه، أنا ال عندى قولته وانتوا أحرار وماتلوموش كمال لما يعرف.
نزلا ام كمال وندى لهانى عجبك كلاك الست والدتك؟
هانى بضيق بصراحه انتوا ل غلطانين.
امها وهى بتقوم من مكانها لا بقا انا همشى بكرامتى بدل ما يتقل منى اكتر من كده.
ندى يا ماما يا ماما، يووه عجبكم كده طب ايه رايك مش هنزل ولا اعتذر لحد.
بصلها هانى بعتاب براحتك بس انا بقا نازل اخد بخاطرمرات اخويا.
نزل هانى عند والدته ال كانت قاعده واول ماشفته نازل بطوله شاطت اممم السنيورة بقا استكبرت تنزل!
هانى بكدب هى كانت نازلة معايا بس خافت بسبب كلام الدكتورة.
امه والعقرب امها ال نزلت من غير ما ترمى حتى السلام.
هانى بتعب سيبك منهم ياما، مريم فين اخد بخاطرها.
امه اخوك جه وطلعت وراه.
هانى وهو بيبلع ريقه هو عرف؟
امه بلؤم مش عارفة بس اكيد هيعرف مريم مش بتخبئ عنه حاجه وبعدين باين اوى على شكلها الزعل فلازم يزعل ومحدش وقتها ضامن رد فعله ممكن يكون ازاى؟
هانى وبعدين يا ماما اتصرف ازاى، كده ممكن كمال نيرضيش يدينى الفلوس ال قالى عليها واغير بيها العربية.
امه ده لو رسيت على كده بس يبقى هو عمل باصله معاك وراع انط اخوه.
هانى والغمل؟
امه اشترى خاطره مهما كان ده اخوك الكبير ال مالهوش غيرك فى الدنيا ال ياما عمل عشانك.
هانى بلهفة زى الغريق اعمل ايه يا امى؟ دبرينى.
امه اسمع منى وماتقاطعنيش وبعدين ابقى اتكلم.
هانى حاضر قولى.
امه العيل ال جاى فى السكه سواء ولد ولا بنت اديه لاخوك يربيه ويبقى ابنه.
وقف هانى من مكانه اااايه انتى بتقولى ايه ياماما؟
امه ايه الغريب فى ال بقوله؟ انت ومراتك صفيرين وتقدروا تخلف بدل الولد عشرة واهز يبقى راضيت اخوك والولد مرحش بعيد عنك هيكون معاك فى نفس البيت ده غير كمال نفسه مش هيسيبك والفلوس ال كنت هتعمل بيها قرض تفتح مشروع هيديهملك هو وغير كمان انه مش هيعولك هم مصاريف وزى ما هيصرف على العيل ال هياخده هيصرف على عيالك كلهم،وبعدين بصراحه انا خايفة من كتر زن مريم وبعد حركات مراتك القرعه هى وامها اخوك يسمع كلامها ويجبلنا عيل منعرفهوش اصل من فصل وياخد من عيالك كل حاجه ده بعد غمر طووويل اوى اوى انشالله، اسم الله على ابنى.
بصلها هانى وهى كملت وخد لبالك ان كمال عمره ما استخسر فيك حاجه وعقلك فى راسك يابنى.
اتحرك هانى خطوتين وقبل ما يخرج من عند امه لف وبصلها وقال وانا موافق بس محدش يتكلم مع ندى وسبونى انا افاتحها فى الموضوع ده بطريقتى.
طلع هانى ومدخلش على اوضه نومه وراح على اوضه الاطفال ينام وكلام والدته بيتعاد فى ودانه لحد ما دخلت عليه ندى انت هنا وأنا مستنياك فى اوضتنا من بدرى.
أداها ظهره ولف للناحية التانية، ندى باستغراب فى ايه يا هانى انت مخصمنى ولا ايه؟
هانى انتى بتستهبلى انتى مش عارفه عملتى ايه؟ 
ندىلا ثوانى كده ايه الأسلوب ال بتكلمنى بيه ده يا هانى؟ ده كله عشان ست مريم، تبوك علينا فرحتنا بخبر حملى وتزعقلى وتخاصمنى عشانها.
هانى عشان صفرتينى قدام أهلى وقليتى منهم.
ندى وهى مريم بقت اهلك؟
هانى بزعيق خلاها اتنفضت من مكانها وهى شايفه الوش ده من هانى لاول مرة مرات اخويا ال عايشين فى بيته واختى الكبيرة ال لسه لحد دلوقتى بتخدمنى وبنت خالى يعنى عرضى.
بلعت ندى ريقها وقررت تعدى الموضوع عشان مريم ما تنتصرش عليها وتحس انها عكننت عليها يوم مهم زى ده خلاص يا هانى انا اسفه.
هانى بصوت هادئ حاد اسفك ده مش ليا يا هانم.
ندى وصبرها خلاص خلص يعنى انت عايز ايه دلوقت؟
هانى هتنزلى معايا لشقة اخويا وتعتذرى منها.
بصتله ندى بصدمه وهو بتأكيد ها قولتى ايه؟
ندى بغيظ تمام يا هانى بس دى هتكون اول واخر مرة وبعدها لو حصل ايه ولو كانت النتيجه ايه مش هكررها.
نزل هانى معاها وبيخبط على الباب لقى امه ال فتحت، ففهم انه قالت لكمال ومريم واتأكد اكتر اول ما سمعها بتقول لكمال تعال يا كمال هانى اهو.
مفيش ثوانى وكمال كان جه وواخده فى حضنه ودموعه نزلت حس بيها هانى على وشه،أما مريم وقفت قدام ندى بضحكه كلها دموع من الفرح وهى مش فاهمه حاجه ولسه هتقول مريم انااا.
اخدتها مريم فى حضنها وهى بتشهق من كتر البكا شكرا شكرا ياندى اما مهما اقولك مش هقدر اوصفلك انا حاسة بايه دلوقت.
ام كمال اومال انا خلفتهم اتنين مكتروش على بعض.
هانى بسرعه سحب ندى من ايدها قبل ما امه تغلط اكتر فى الكلام وهو لسه مفتحش ندى ياللا بينا يا حبييتى عشان ترتاحي .
هزت ندى رأسها من سكات وهى مش فاهمه اى حاجه من ال بيحصل حواليها بس هى متأكده ان فى حاجه غلط.
امه من وراهم على السلم شيلها يابنى الطلوع والنزول غلط عليها دى لسه فى الاول دى متعلق فى رقبتها فرحه بتين.
ندى لهانى مامتك تقصد ايه؟
هانى فرحانه بيك.
وعدى شهر والتانى والتالت وحمل ندى بيكبر باهتمام مبالغ من وجهه نظرها من ندى ده غير الهدايا ال اخو جوزها كل شوية يجبيها لحد طقم الدهب ال جابهولها فى عيد ميلادها ولا الفلبنية ال خلاها عندها فى الشقة تخدمها طول فترة الحمل وهو ال بيدفع أجرها، وده كله وهى لسه مش فاهمه حاجه لحد ما فى مرة خدت لبالها ان فى حركه غريبة بتحصل فى عماراتهم تحت واصوات ناس كتير وصلالها، خرجت مت شقتها لقت عمال بيحملوا عفش اوضة نوم أطفال شكلها حلو اوى اوى..
ابتسمت بفرحه سلفى ده بجد هيحسدونى عليه، بس احنا عندنا اوضه اطفال بس الحقيقة دى احلى.
مررت ايدها على بطنها وبهمس انت ولد الكوتشينه ال هتقش الكل يا حبيبى انت ال هتخلينى فوق راس الكل هنا اولهم الست مريم ال عامله فيها المضحية الملاك بجناحات وهى ماية من تحت تبن.
بصت باستغراب وهى شايفه العمال داخلين شقة سلفها بالعفش وقالت هو فى ايه؟ مش المفروض يطلعوا بيه على هنا.
دخلت وقفلت الباب وهى مستغربة ولما رجع هانى مت بره قالتله اخوك جاب اوضة نوم أطفال بس مجبهاش على هنا دخلت على شقته.
هانى اخد نفس طويل وبصلها وقال ماهو ده طبيعى الأوضة ال كامت عندهم رماها من زمان من بعد ما فقد الأمل انه يخلف.
ندى بتريقه والأمل رجعله دلوقت يعنى ولا ايه؟ مش فاهمه؟
هانى ندى تعرفى ان كمال هيدينى المبلغ ال محتاجه للمشروع بتاعى بكره وانا رايح معاه البنك يسحبهم.
ندى وعنيها بتلمع بجد!
هانى وهو بيهز رأسه وبيقعدها وبيقولها ده غير انه قالى انه ناوى يغيرلك العربية بتاعتك بموديل جديد كمان.
ندى وهى حاسه قلبها هيقف من الفرحه احلف.
هانى انت عارفة كمال مش بيتخسر فينا حاجة ودايما بيراضينا.
ندى فعلا انا عمرى ما شفت ولا هشوف فى طيبة قلب كمال.
هانى وزى ما هو بيراضينا المفروض احنا كمان نراضيه .
ندى عندك حق بس ازاى هو احنا معانا ال عنده.
هانى معانا ال مش ممكن يكون عنده.
ندى وهى مش فاهمه قصدك ايه؟
هانى وهو بيشاور على بطنها قصدى ده.
ندى وقفت بخوف ومحاوطه بطنها بايدها زى ال خايفة تتسرق منها انت بتقول ايه يا هانى انا بدأت اخاف منك؟
هانى وليه الخوف، افهمى بس احنا متفقين اننا عايزين نراضي كمال زى ما بيراضينا فيها لو اديناله البيبي ده يربيه ويبقى ابنه واحنا نقدر نخلف اتنين وتلاته وأربعه غيره كمان.
ندى وعنيها وسعت من الصدمه انت اتجننت، عايزنى افرط فى ابنى؟
هانى انتى من الاول مكنتيش عايزاه.
ندى انت بتحاسبنى على لحظه طيش متى عايز تاخد منى قصادها ابنى يا هانى.
هانى خلى بالك انه مش ابنك لوحدك، ده ابنى انا كمان وليه حق فيه زيك بالظبط.
الخناقة كانت دايرة فوق بعكس تحت وكمال واقف على باب الأوضة وجنبه مريم بيبصولها بعد ما اتفرجت وعنيهم كلها احلام لبكره، سندت مريم رأسها على كتف كمال انا مش مصدقه يا كمال هيكون فى نونو هنا هراعية ويقولى ماما وانت بابا طفل صوت بكاءه وضحكته هيرج فى حيطان الشقة الباردة يديها روح .
كمال ابن اخويا يعنى ابنى عصبى يا مريم فرحتى بيه فرحتين انت تعرفى انا ناو..
قطع كلامه على صوت صراخ ندى وزعيق هانى ال جاى من فوقيهم.
بصوا لبعض باستغراب هو فى ايه؟
طلعوا بسرعه ولقوا عمتها طالعه هى كمان ومش فاهمه حاجه، وصلوا قدام الباب وخبطوا.
كمال افتح يا هانى افتح.
هانى لندى بتحذير مش عايز اسمع منك كلمه واحده فاهمه.
فتح الباب ودخلو الجماعه ولقوا ندى واقفة وباين عليها الانفعال.
حماتها فى ايه يا بنتى؟
مريم مالك يا ندى انتى كويسة؟
ندى أهلا باللى عايزه تاخد ابنى منى، أنا برضه كشفتك من اول مرة شفتك فيها وقولت الوش ال مرسوم عليه البراءة ده اكيد مخبى وراه بلاوى.
هانى احترمى نفسك يا ندى.
ندى انا لولا انى محترمه كنت صرخت ولميت عليكم الناس.
حماتها فى ايه يابنتى حصل لده كله؟
ندى فى ان ابنك قرر انه ياخد ابنى ال لسه مجاش الدنيا بعد ما يتولد ويديه لاخوه.
حماتها اتعدلت فى وقفتها وفيها ايه؟ هو هيديه لحد غريب.
ندى وده فى شرع مين بقا انشالله؟
مريم الإنسانية يا ندى.
ندى ده لو بمزاجى وعندى علم وانا عايزة كده بس ده لا هو قالى ولا اخد رأى ولا انا موافقة انى اتنازل عن ابنى بكنوز الدنيا، أما مش هبيع ابنى.
كمال ال كان زاقف وسامع قال ومين قال اننا كنا هنشترية؟ والا كنا اشترينا من زمان اى حاجه كنا بنعملها معاكى با ندى كانت من محبتنا وفرحتنا بيكى وباول مولود.
مريم وصدقيني احنا منعرفش لن معندكيش علم.
كمال اعتبرى الموضوع منتهى ومفيش حاجه حصلت.
امه بس يا كمال..
كمال ارجوكى يا أمى ال جاى ده انا عمه يغنى مفرقتش يقولى ياعمى ولا يقولى يا بابا واخد 
بص لهانى وقال انت غلطت يا هانى موضوع زى ده كان لازم تتكلم مع مراتك فيه الاول هى عندها حق فى حل حاجه قالتها وعملتها متلومهاش
هانى بزعل على اخوه كمال انا اسف سامحنى انى حطيتك فى الموقف ده.
ندى لهانى استاذ كمال انا..
كمال بابتسامه مكسورة ماتقوليش حاجه يا ندى احنا ال بنتأسفلك وكل حاجه زى ماهى مش هتتغير انا سبق وقولت ليكى ال جاى ده فرحه للبيت كله.
مد ايده ومسك ايد مريم ال بتتنفض واخدها بسرعه ونزل قبل دموعها ماتنزل قدامهم يالا بينا يامريم.
ونزلت وراهم حماتها وهانى دخل الأوضة وقفل على نفسه وهو حاسس ان اخوه اتوجع بسببه.
اما ندى فضلت تقول لنفسها ايوه انا صح ده الصح.
وبمجرد ما دخلت مريم الشقة دخلت على اوضه الاطفال رمت على الأرض وراسها على السرير وكمال دخل وراها يطبطب عليها حقك عليا يا مريم لو عايزة تتط...
مريم متكملش يا كمال متزودش وجعى بالله عليك أنا بس صعبان عليا انى عشمت نفسى يومين كده ههدئ واروق.
بدل اليومين عدى شهر والتانى واوضه نوم الاطفال مريم قفلتها ورفضت انها تتصرف فيها، وكانت بتتجنب ندى وندى كمان بتتجنبها، لحد ما جات ساعة ولاده ندى وكلهم راحوا على المستشفى الا مريم فضلت فى البيت بتكلم هند ال قالتلها يا خيبة كنتى رحتي وراهم.
مريم ندى مبتحبنيش يا هند ومن وقت ال حصل وكله وحده واخده فين جنب وممكن تجرحني هناك بالكلام.
هند بس بقعدتك هنا يختى هتثبتيلها انك غيرانه منها ونارها من ناحيتك هتزيد اكتر واكتر.
مريم بحيرة يعنى اعمل ايه؟
هند تلبسى ووتشيكى وتجيبى خمسه